كلۋب ءباسپاسوز قىزمەتىنىڭ حابارلاۋىنشا, «استانانىڭ» سپورت ديرەكتورى بولىپ بۇعان دەيىن قازاقستان فۋتبول فەدەراتسياسىندا ۇزاق جىلدار بويى قۇراما كوماندالار دەپارتامەنتىن باسقارعان عاني قاينازاروۆ تاعايىندالعان. «عاني ءادىلحان ۇلىنىڭ فۋتبولداعى تاجىريبەسى وتە مول. ول كارەراسىندا جامبىلدىڭ «حيميك», «تاراز», الماتىنىڭ «قايرات» جانە قازاقستان قۇراماسىنىڭ نامىسىن قورعاعان. فۋتبولشى رەتىندەگى مانسابىن اياقتاعاننان كەيىن «تاراز» فۋتبول كلۋبىندا باسشىلىق قىزمەت اتقارعان. ال وسىعان دەيىن سپورت ديرەكتورى قىزمەتىن اتقارعان نۇركەن مازباەۆ كلۋب قۇرىلىمىندا جۇمىسىن جالعاستىراتىن بولادى», دەلىنگەن حابارلامادا.
