قىز بالانىڭ بويىنداعى وزگەرىستى بايقاعان مەكتەپ مۇعالىمدەرى وقۋشى جايىندا پسيحولوگ پەن جاسوسپىرىمدەر جونىندەگى ۋاكىلگە حابارلاعان ەكەن. جەكە اڭگىمەلەسۋ كەزىندە 8 كلاسس وقۋشىسى ءوزىن وگەي اكەسىنىڭ جىنىستىق قاتىناسقا تۇسۋگە ماجبۇرلەگەنىن ايتقان. دارىگەردىڭ تەكسەرۋىنەن كەيىن قىزدىڭ جۇكتى ەكەنى انىقتالعان.
وقيعا بويىنشا الاكول اۋدانىنىڭ پوليتسياسى قىلمىستىق ءىس قوزعاپ, كۇدىكتىنى تەرگەۋگە العان ەكەن. تەرگەۋدەن كەيىن وگەي اكەنى ەشقايدا كەتپەۋ تۋرالى قولحات الىپ, ۇيىنە جىبەرىپتى. ءىستىڭ ناسىرعا شاپقانىن تۇسىنگەن زورلىقشىل ازامات سول كۇنى وزىنە قول سالىپ, اسىلىپ ولگەن.
قازىر زورلانعان قىز اناسىمەن بىرگە تالدىقورعان قالاسىنا جەتكىزىلىپتى. دارىگەرلەر مەن پسيحولوگ ماماندار جابىرلەنۋشىنى قامقورلىققا الىپ, قاجەتتى كومەكتىڭ بارلىعى جاسالىپ وتىرعان كورىنەدى.
