كەزدەسۋ بارىسىندا دەپۋتاتتار پارلامەنتتە اتقارىلعان جۇمىستار مەن قابىلدانعان زاڭدار جونىندە اۋىل تۇرعىندارىن حاباردار ەتىپ, پرەزيدەنت قاسىم-جومارت توقاەۆتىڭ 2019 جىلدىڭ 2 قىركۇيەگىندە حالىققا ارناعان جولداۋى جايلى ايتتى.
دەپۋتاتتار جولداۋدا ايتىلعان ماسەلەلەردىڭ جۇزەگە اسۋى تۋرالى دا باياندادى. الەۋمەتتىك ماسەلەلەر, كوپبالالى وتباسىلارعا بەرىلەتىن جاردەماقى, مىندەتتى الەۋمەتتىك مەديتسينالىق ساقتاندىرۋ, اتاۋلى الەۋمەتتىك كومەك جۇيەسىنە ەنگىزىلگەن وزگەرىستەر, ورتا جانە شاعىن كاسىپكەرلىكتى دامىتۋ, اۋىلشارۋاشىلىعى سالاسى بويىنشا زاڭعا ەنگىزىلگەن تولىقتىرۋلار جونىندە تۇسىندىرمە جاسادى. سونىمەن قاتار «پەداگوگ مارتەبەسى تۋرالى» زاڭعا ەرەكشە توقتالدى.
جيىندا اۋىل تۇرعىندارى وزدەرىن تولعاندىرعان وزەكتى ماسەلەلەر جونىندە ۇسىنىس-پىكىرلەرىن ءبىلدىرىپ, ساۋالدارىنا ءتيىستى جاۋاپ الدى.
سەنات دەپۋتاتتارى اۋدانعا جاساعان ساپارىندا «اقلاق» سۋ توسپاسى مەن «كوكارال» بوگەتىنىڭ جاعدايىمەن دە تانىستى.
