بىلتىر جىل ورتاسىندا سەمەيدەگى كىتاپحانالاردىڭ بىرىنە بۇعى, ال ريددەرگە ايۋ كىرىپ كەتكەن ەدى. جىل اياعىندا, ياعني جەلتوقسان ايىندا سەمەيدىڭ شەتىندەگى ۇيلەردىڭ ءبىرىنىڭ اۋلاسىنا سىلەۋسىن, وبلىس ورتالىعىنا ەلىك ەنىپ كەتىپ, ەلدى ەلەڭ ەتكىزگەن-ءدى. وسكەمەن كوشەسىندە ەكى كۇن جۇرگەن ءتۇز تاعىسىن اقىرى كولىك قاعىپ, جاراقاتتاپ, شاھارداعى ۆەتەرينارلىق ەمحانالاردىڭ بىرىنە جەتكىزىلدى. ەلىككە وتا جاسالعانىمەن, دارىگەرلەر جانىن امان الىپ قالا الماعان-دى. ادامداردان پانا ىزدەپ, ەرتىس جاعاسىنداعى قالانى ەكى كۇن بويى ەركىن كەزگەن سۇلۋ جانۋاردى مۇنداعى قۇزىرلى ورىنداردىڭ امالىن تاۋىپ ۇستاپ الىپ, شاھاردان شىعارىپ جىبەرۋگە تىرىسپاعانى تۇسىنىكسىز.
ەلىك دەمەكشى, سودان ءبىر اپتا وتەر-وتپەستە قالاداعى اباي داڭعىلىنىڭ بويىندا جۇرگەن ەكى ەلىك كوزگە ءتۇستى. ال كەشە وسكەمەننىڭ شەت جاعىنداعى جىبەك ماتالار شاعىن اۋدانىنداعى (جمك) كوپقاباتتى ۇيلەردىڭ جانىنا جەم ىزدەپ, ءبىر توپ ءشىل كەلىپتى. «ەلىكتەر قالا ماڭىن مەكەندەيدى. ولاردى جمك شاعىن اۋدانى اۋماعىنان كەزدەستىرۋگە بولادى. شاماسى جىرتقىشتاردان باس ساۋعالاپ, قالاعا كەلگەن بولۋى كەرەك» دەيدى وسكەمەندىك ورنيتولوگ-عالىم سەرگەي ستاريكوۆ.
شىعىس قازاقستان وبلىسى
