بۇل – ساياسي ماسەلە ەمەس

بىراق جاعدايدى ۋشىقتىرماي, جەدەل شەشىم قابىلدانۋى قاجەت ۇستىمىزدەگى جىلدىڭ 23 اقپانىندا “قازمۇناي­گاز” ءبو” اق باسشىلىعى “وزەنمۇنايگاز” ءوف-نا ەڭبەكاقى تولەۋدىڭ جاڭا جۇيەسىن ەنگىزۋ جونىندە شەشىم قابىلداعان بولاتىن. بۇل جۇيەدە بۇرىن بەرىلىپ كەلگەن اۋداندىق كوەففيتسيەنتتى جانە باسقا دا ۇستەمەلەردى نەگىزگى تاريفكە قوسۋ, ياعني ەڭبەك كودەكسىنىڭ تالاپتارىنا سايكەستەندىرۋ كوزدەلگەن. وكىنىشكە قاراي, وسى وزگەرىستى حالىققا جەتكىزۋ, ياعني ورتا بۋىن باسشىلار ارقىلى ءتۇسىندىرۋ جۇمىستارى ءوز دەڭگەيىندە جۇرگىزىلمەگەن جانە بۇل وزگەرىستى قابىلدامايتىن, ياعني قوسىمشا شارتقا قول قويمايتىن جۇمىسشىلار ءبىر ايدان سوڭ جۇمىستان ايرىلاتىندىعى ەسكەرتىلگەن. جەرگىلىكتى اقپارات قۇرالدارىنىڭ ايتقاندارىنا سۇيەنەتىن بولساق, قوسىمشا شارتقا قول قويۋدا كەيبىر كۇشتەۋ, ەرىكسىز قول قويعىزۋ فاكتىلەرى ورىن العان. وسى جاعداي قازىرگى جۇمىس بەرۋشى مەن جۇمىسشىلار اراسىنداعى تەكەتىرەسكە الىپ كەلىپ وتىر. 10 ناۋرىزدا جاعدايعا باعا بەرگەن جاڭاوزەن قالالىق سوتى ەرەۋىلدى زاڭسىز دەپ تانىدى جانە سونى­مەن بىرگە, جۇمىس بەرۋشى “قمگ” ءبو” اق اتىنا جەكە ۇيعارىم شىعارىپ, ولاردىڭ تاراپىنان دا ەڭبەك زاڭدىلىعىنىڭ بۇزىلعاندىعىن اتاپ ءوتتى. جەرگىلىكتى اتقارۋشى بيلىك – ماڭعىستاۋ وبلى­سى مەن جاڭاوزەن قالاسى باسشىلىعى جاعدايدى تۇراقتاندىرۋ ءۇشىن قولدان كەلگەننىڭ ءبارىن جاساۋدا, جۇمىستانۋدا. بىزدەر, دەپۋتاتتار “قازمۇنايگاز” ۇلتتىق كومپانياسىنىڭ باسشىلىعىمەن كەزدەسىپ, ولاردىڭ تاراپىنان دا وسى كۇردەلى جاعدايدان شىعۋ جونىندە ءتيىستى شارالار قاراستىرىلىپ جاتقانىنان حاباردارمىز. “قمگ” ءبو” اق باسشىسىنىڭ شەشىمىمەن جوعارىداعى ەڭبەكاقى تولەۋدىڭ جاڭا جۇيەسى تۋرالى حابارلاماسى ءوز كۇشىن جويعان, بۇل جونىندە مۇنايشىلارعا حابارلانعان. قالىپتاسقان جاعدايعا كەيبىر كۇشتەر ساياسي رەڭك بەرۋگە تىرىسقانىمەن, بۇل – ساياسي ماسەلە ەمەس, ەڭ­بەك زاڭناماسىنىڭ ساقتالۋى توڭىرەگىندەگى كەلىس­پەۋشىلىكتەر. بۇل ماسەلەدەن كەيبىر ساياسي ۇيىمدار مەن جاۋاپسىز بەلسەندىلەردىڭ ساياسي ۇپاي جيناۋعا تىرىسىپ جاتقاندارى بايقالادى. ونى جاڭاوزەندىك مۇنايشىلار دۇرىس تارازىلاي الاتىندىعىنا تولىق سەنىمدىمىز. سوندىقتان مۇناي جانە گاز, ەڭبەك جانە حالىق­تى الەۋمەتتىك قورعاۋ مينيسترلىكتەرى, “سامۇرىق-قازىنا” ءال-اۋقات قورى, “قازمۇنايگاز” اق باسشى­لارى جاعدايدى ۋشىقتىرماي, بىرلەسە وتىرىپ تياناقتاپ زەردەلەپ, ءتيىستى شەشىم قابىلداۋى ءتيىس دەپ ەسەپتەيمىز جانە سوعان ۇكىمەت ىقپال ەتۋى كەرەك دەپ بىلەمىز. زەينوللا الشىنباەۆ, ءماجىلىس دەپۋتاتى.