مەملەكەتتىك-جەكەمەنشىك ارىپتەستىك اياسىندا سالىنعان, جالپى قۇنى 272 ملن تەڭگە بولاتىن مادەنيەت ءۇيىنىڭ اشىلۋىنا قالا اكىمى نۇرلىبەك نالىباەۆ قاتىسىپ, اۋىل تۇرعىندارىن جىل توعىسىنداعى جاڭالىقپەن قۇتتىقتادى.
مەملەكەتتىك – جەكەمەنشىك ارىپتەستىك ارقاسىندا تالاي ماسەلە وڭ شەشىمىن تاۋىپ جاتىر. سونىڭ ءبىر دالەلى – وسى مادەنيەت ءۇيى. جاڭا نىسان اۋىلدىڭ ونەرپاز جاستارىننىڭ جۇلدىزىن جاعاتىن ورىن بولاتىنىنا سەنىمدىمىن. جاڭا جىلدارىڭىز قۇتتى بولسىن!, دەدى نۇرلىبەك ماشبەك ۇلى.
الداعى ۋاقىتتا بۇل مادەنيەت ۇيىندە ءان, بي, كوركەمسوز, دومبىرا ۇيىرمەلەرى اشىلىپ, «سىر وردا» ۆاا مەن اجەلەر ءانسامبلى ورىن تەبەدى. ون ءۇش ادام تۇراقتى جۇمىسپەن قامتىلادى.
ايتا كەتۋ كەرەك, اۋىلدا مادەنيەت ءۇيىن سالۋ ماسەلەسى بۇعان دەيىن ەسەپتىك كەزدەسۋلەردە ءجيى كوتەرىلەتىن ماسەلەلەردىڭ ءبىرى بولاتىن. قالا بيلىگى اۋىل تۇرعىندارىنا بەرگەن ۋادەنى ورىنداۋ ءۇشىن جەدەل شەشىمدەر قابىلداپ, مەملەكەتتىك-جەكەمەنشىك ارىپتەستىك اياسىندا ادەمى عيمارات بوي كوتەردى.
جالپى, قالامەن قاتار قالاعا قاراستى ەلدى-مەكەندەردىڭ الەۋمەتتىك الەۋەتىن ارتتىرۋدا بىرقاتار ەكونوميكالىق جوبالار جۇزەگە اسىرىلۋدا.
جاقىندا عانا بەلكول كەنتىندە كاسىپكەرلەردىڭ دەمەۋشىلىگىمەن بالالار ويىن الاڭى مەن سپورت كەشەنى پايدالانۋعا بەرىلسە, تاۋەلسىزدىك كۇنى قارساڭىندا تاسبوگەت كەنتىنىڭ ورتالىعىنان «كارامەل» ساۋدا ويىن-ساۋىق كەشەنى قولدانىسقا بەرىلدى.
