جۇرتشىلىق قۋانىشى – جاڭا كوپىر

– حالقىمىز ەجەلدەن-اق شول­گە قۇدىق قازعان, وزەنگە كوپىر سالعان جانە جولعا اعاش ەككەن ەڭ ۇلكەن ساۋاپتى ءىس ەكەنىن ايتادى. ديقاندىقتى بابا ءداستۇرى ساناعان سىر بويىندا كوپىرلەر قۇرىلىسى وتكەن عاسىرلاردا دا بولدى. قاراوزەك تۇسىنداعى ساۋ­رانباي كوپىرى, جوسالى كەن­تىندەگى قارماقشى وتكەلى, قى­زىلوردا قالاسىنداعى وسپان كو­پىرى كەشەگىنىڭ كوزىندەي تاريحي نىساندار. بۇگىندە ءبىز اتا-بابامىزدىڭ كوپىر سالۋ ءداستۇرىن زاماناۋي ۇلگىدە جاڭعىرتىپ, دامىتىپ كەلەمىز. سونىڭ ءبىر دالەلى وسى كوپىر. قۋانىشتارىڭىز قۇت­­تى بولسىن, – دەدى ايماق باسشىسى.

قازالى اۋدانىنىڭ 7 اۋىلى مەن كور­شىلەس ارال اۋدانىنا قاراستى التى اۋىلدا تۇراتىن 20 مىڭعا جۋىق تۇرعىن وسى كو­پىردى ۇزاق جىل كۇتىپتى. جيىندا جەرگىلىكتى تۇرعىنداردىڭ اتىنان لەبىز ءبىلدىرىپ, باتا بەرگەن بەكارىستان بي اۋىلىنىڭ تۇرعىنى, ۇلى وتان سوعىسىنىڭ ارداگەرى, «قىزىل جۇلدىز» ور­دەنىنىڭ يەگەرى قاباق سماعۇلوۆ كو­پىر ماسەلەسىن العاش رەت سوناۋ 1949 جىلى ەل اقساقالدارى كو­تەرگەنىن ەسكە الدى.

وبلىستىق جولاۋشىلار كو­لىگى جانە اۆتوموبيل جولدارى باسقارماسىنىڭ تاپسىرىسى بو­يىنشا سالىنعان كوپىردىڭ جالپى ۇزىندىعى 219 مەتر, 2 جولاقتى, ەنى 12 مەتر. كوپىردىڭ ەكى جاعىنان 1,5 مەتر جاياۋ جۇرگىنشىلەر جو­لى قاراستىرىلعان. جالپى قۇ­نى 2,7 ملرد تەڭگە بولاتىن قۇرى­لىستىڭ باس مەردىگەرى «كا-ستروي لتد» جاۋاپكەرشىلىگى شەك­تەۋ­لى سەرىكتەستىگى. جاڭا كوپىر­دەن­ ال­عاش رەت وسى كومپانيا كولىكتەرى ءجۇرىپ ءوتتى.

قىزىلوردا