مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق, قىلمىستىق-پروتسەستىك زاڭنامانى جەتىلدىرۋ جانە جەكە ادام قۇقىقتارىنىڭ قورعالۋىن كۇشەيتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.
زاڭ مەملەكەت باسشىسىنىڭ زورلاۋ, براكونەرلىك, مال ۇرلىعى, ەسىرتكى تاراتۋ, وسىمدىكتەر مەن جانۋارلار دۇنيەسىن قورعاۋ جونىندەگى ينسپەكتورلاردىڭ, قورىقشىلىق قىزمەتىنىڭ ومىرىنە قول سۇعۋشىلىقتار, ماس كۇيىندە كولىك قۇرالدارىن جۇرگىزۋ, سونداي-اق بىرقاتار وزگە دە اۋىر قۇقىق بۇزۋشىلىقتار ءۇشىن جاۋاپكەرشىلىكتى كۇشەيتۋ تۋرالى تاپسىرمالارىن ىسكە اسىرۋعا باعىتتالعان.
سونىمەن قاتار زاڭدا بالا اسىراپ الۋعا جاردەم كورسەتۋ جونىندەگى ۇيىمداردىڭ جۇمىس ىستەۋى ءۇشىن قۇقىقتىق جاعدايلار جاساۋعا, شەتەلدىكتەردى مىندەتتى تىركەۋدىڭ كۇشىن جويۋعا, قىلمىستىق جانە قىلمىستىق ءىس جۇرگىزۋ زاڭناماسىن ولاردى قولدانۋ پراكتيكاسى مونيتورينگىنىڭ قورىتىندىسى بويىنشا ودان ارى جەتىلدىرۋگە باعىتتالعان نورمالار كوزدەلگەن.
زاڭنىڭ ءماتىنى باسپاسوزدە جاريالانادى.
سونداي-اق مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە پەداگوگ مارتەبەسى, وقۋشى مەن مۇعالىمگە جۇكتەمەنى تومەندەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا;
مەملەكەت باسشىسى «قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا;
مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قويناۋىن پايدالانۋ, گاز جانە گازبەن جابدىقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.
