ايماقتار • 30 جەلتوقسان، 2019

شىمكەنتتە ااك قۇجاتتارى الفاۆيت تارتىبىمەن قابىلدانادى

103 رەتكورسەتىلدى

شىمكەنت قالاسى جۇمىسپەن قامتۋ جانە الەۋمەتتىك قورعاۋ باسقارماسىنىڭ قىزمەتكەرلەرى 4 اۋدان بويىنشا ااك-ءتى بەلسەندى الۋشىلاردىڭ الفاۆيت تارتىبىندەگى كەستەسىن جاسادى. بۇل كەستە حالىق اراسىندا ءتيىستى ءتۇسىندىرۋ جۇمىستارىن جۇرگىزۋ ءۇشىن اۋدان اكىمدىكتەرىنىڭ ءتيىستى بولىمدەرىنە جولداندى. بۇل تۋرالى شىمكەنت قالاسى اكىمدىگىنىڭ ءباسپاسوز قىزمەتى حابارلادى.

مينيسترلىك اتاۋلى الەۋمەتتىك كومەك بەرۋدىڭ قولدانىستاعى جۇيەسىن وزگەرتەتىن زاڭ جوباسىن ازىرلەدى، مەملەكەت ءبىرىنشى كەزەكتە بالالارعا جانە كوپ بالالى وتباسىلارعا كومەكتەسەدى.

ۇسىنىلىپ وتىرعان جاڭا ۇستانىمدار:
- كوپبالالى انالاردى قولداۋدى;
- جاڭعىرتىلعان اتاۋلى الەۋمەتتىك كومەكتى;
- كەپىلدى الەۋمەتتىك كومەكتى قامتيتىن بولادى.

مەملەكەتتىك اتاۋلى الەۋمەتتىك كومەك الۋشى وتباسىلارداعى بالالارعا زاتتاي قولداۋدى قامتيتىن الەۋمەتتىك كەپىلدەندىرىلگەن پاكەتتى بەرۋ ۇسىنىلدى. مەكتەپكە دەيىنگى جاستاعى بالالار تاماقپەن، گيگيەنالىق قۇرالدارمەن جانە ءبىلىم بەرۋ قىزمەتتەرىمەن قامتاماسىز ەتىلمەك.

ال وقۋشى بالالار ءۇشىن مەكتەپتەردە تەگىن ىستىق تاماق، كۇندەلىكتى مەكتەپكە دەيىنگى جول، سونداي-اق مەكتەپ فورماسى مەن وقۋ قۇرالدارى مەملەكەت ەسەبىنەن بەرىلەدى.

سوڭعى جاڭالىقتار

جۇزدەگەن تۇرعىنعا جۇمىس تابىلدى

ايماقتار • بۇگىن، 12:44

اۋىلدا سپورت كەشەنى سالىنۋدا

ايماقتار • بۇگىن، 09:28

ۇقساس جاڭالىقتار