الدىمەن وزدەرىن تانىستىرعان بالالاردىڭ 17-ءسى وزدەرىنىڭ قۇتقارۋشى نەمەسە ءورت ءسوندىرۋشى بولعىسى كەلەتىنىن ءبىلدىردى. كەلەسى كەزەكتە بالالار «قۇتقارۋشى» ماماندىعىن ناسيحاتتاۋ بويىنشا ءوز قولدارىمەن جاساعان بۇيىمدارىن كورسەتتى. «تاتتىلەر» بايقاۋىندا تورت, پەشەنە, تاتتىلەر دايىنداپ, كىشكەنە قۇتقارۋشىلار قىزىقتى ۋاقىت وتكىزە الاتىنىن كورسەتتى.
«اللو, ءبىز ونەرلىلەردى ىزدەيمىز» بايقاۋىندا كوبىسى «قۇتقارۋشى» ماماندىعىن تانىتاتىن تاقپاق بولدى. سونىمەن قاتار بي ونەرلەرىن دە كورسەتتى. ماڭعىستاۋ وبلىسى توتەنشە جاعدايلار دەپارتامەنتى ءزىلزالالاردىڭ قاۋىپ –قاتەرىن ازايتۋ جانە ازاماتتىق قورعاۋ سالاسىنداعى باقىلاۋ باسقارماسىنىڭ قىزمەتكەرلەرىنە جەڭىمپازداردى تاڭداۋ وتە قيىن بولدى. سەبەبى, بالالاردىڭ بارلىعى ءمىنسىز بولدى. ءىس شارا ءورت قاۋىپسىزدىگى ەرەجەسى تۋرالى ۆيكتورينامەن اياقتالدى.
-بارلىعى دا جەڭىسكە جەتتى دەۋگە بولادى. بارلىق بالا پريز جانە جاڭا جىل سىيلىعىن الدى, مەدالدارمان جانە ديپلومدارمەن ماراپاتتالدى.
جاڭا جىل مەرەكەسىندە قۇتقارۋشىلاردىڭ ۋاقىتى وتە از, سونى دا ەلەۋ كەرەك. سەبەبى, ولار وبلىستا جاڭا جىل مەرەكەسىنىڭ تىنىش ءوتۋ ءۇشىن دايىندايدى, بارلىق نىسانداردى تەكسەرەدى. ولار وسى ءىس-شاراعا ۋاقىت تاۋىپ, ەكى جارىم ساعات بويى ءىس-شارا ءوتۋىن قارادى. ولار قورىتىندى جاساعاندا دۇرىس شەشىم قابىلدادى دەپ ويلايمىن. بالالار, اتا-انالار شىن كوڭىلدەرىمەن ۇيىمداستىرۋشىلارعا العىستارىن بىلدىرەدى, دەيدى اقتاۋ قالاسىنداعى «وقۋشى» ورتالىعىنىڭ مۇعالىمى ۆالەنتينا زايتسەۆا.
