«گاز قۇبىرىن سالۋ قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن. ءا. نازارباەۆتىڭ «بەس الەۋمەتتىك باستاما» اتتى قازاقستان حالقىنا جولداۋىنىڭ اياسىندا جانە «سارىارقا ماگيسترالدىق گاز قۇبىرى قۇرىلىسىن ۋاقتىلى اياقتاۋ تۋرالى مەملەكەت باسشىسى ق.ك. توقاەۆتىڭ «يگىلىك بارشاعا! ساباقتاستىق. ادىلدىك. ورلەۋ» سايلاۋالدى باعدارلاماسى اياسىندا جۇزەگە اسىرىلدى.
2018 جىلدىڭ جەلتوقسان ايىندا ەلباسىنىڭ قاتىسۋىمەن وتكەن تەلەكوپىر بارىسىندا گاز قۇبىرىنىڭ قۇرىلىسىن باستاۋ ءراسىمى ءوتتى. اعىمداعى جىلعى قاڭتاردا تەحنيكا مەن ادامداردى جۇمىلدىرۋ, ناۋرىز ايىندا گاز قۇبىرىن دانەكەرلەۋ جۇمىستارى باستالدى. قۇرىلىس بارىسىندا 1 مىڭنان استام تەحنيكا جانە شامامەن 2 مىڭ ادام جۇمىسقا تارتىلدى.
سونىمەن قاتار قۇرىلىس بارىسىندا وتاندىق وندىرۋشىلەر بارىنشا جۇمىلدىرىلدى. باس مەردىگەر – وتاندىق «قازقۇرىلىسسەرۆيس» كومپانياسى. ىلمەكتى ارماتۋرا جانە كران توراپتارىمەن جەرگىلىكتى ءوندىرۋشى «بەمەر ارماتۋرەن قازاقستان» كومپانياسى, ال اۆتوماتتاندىرىلعان گاز تاراتۋ ستانتسيالارىمەن «باتىس مۇناي گاز جابدىقتارى» كومپانيالارى قامتاماسىز ەتتى.
ءنورماتيۆتى مەرزىممەن سالىستىرعاندا ايتارلىقتاي قىسقا مەرزىمدە 1061,3 كيلومەتر گاز قۇبىرى, 5 بىرلىك قۋاتتى اۆتوماتتاندىرىلعان گاز تاراتۋ ستانتسياسى, سونداي-اق گاز ولشەۋ ستانتسياسى سالىندى.
بۇل جۇمىستىڭ ۇيلەسىمدىلىگىن جانە ءبىزدىڭ ماماندارىمىزدىڭ جوعارى كاسىبي دايارلىعىن, قۇرىلىس بارىسىندا پايدالانىلعان تەحنولوگيالاردىڭ يننوۆاتسيالىعىن كورسەتەدى.
تۇتاستاي العاندا جوبانى ىسكە اسىرۋ مۋلتيپليكاتيۆتى اسەر اكەلەتىنىن, شاعىن جانە ورتا بيزنەستىڭ دامۋىنا, جاڭا جۇمىس ورىندارىنىڭ پايدا بولۋىنا, سونداي-اق گاز قۇبىرى بويىنداعى وڭىرلەردىڭ ينفراقۇرىلىمىنىڭ دامۋىنا سەرپىن بەرەتىنىن اتاپ وتكەن ماڭىزدى.
جوبانىڭ جۇزەگە اسۋى لاستاۋشى زاتتاردىڭ اتموسفەراعا شىعارىلۋىن ازايتۋعا مۇمكىندىك بەرەدى, حالىقتىڭ ءومىر ءسۇرۋى ءۇشىن نەعۇرلىم قولايلى جاعداي جاسايدى جانە ەكولوگيالىق جاعدايدى جاقسارتۋعا ىقپال ەتەدى.
رەسپۋبليكانىڭ ورتالىق جانە سولتۇستىك وڭىرلەرىنە تابيعي گازدىڭ كەلۋى ەلىمىز ءۇشىن ەلەۋلى تاريحي وقيعا» دەلىنگەن حابارلامادا.
