بۇل كەزەكتە ءتارتىپ ساقشىلارى اياز اتا مەن اقشاقارمەن بىرگە ناۋقاس بالالاردىڭ ۇيىنە بارىپ, مەرەكەمەن قۇتتىقتادى. بالالارعا بازارلىق رەتىندە تاتتىلەردەن, جەمىستەردەن تۇراتىن سىيلىقتار تابىستادى.
-پوليتسەيلەر وسكەلەڭ ۇرپاققا ءار ۋاقىتتا قولداۋ كورسەتىپ كەلەدى, سونداي-اق, يگى شارانى ۇنەمى جالعاستىرا بەرەدى. سونىمەن قاتار, دەپارتامەنتتىڭ كوشى-قون قىزمەتى باسقارماسى وبلىستىق بالالار اۋىلىنا بارىپ, سونداعى تاربيەلەنىپ جاتقان بالالاردى جاڭا جىلمەن قۇتتىقتاپ, سىي-سياپات جاسادى. ءار وتباسىدا توردەن ادەمى كوز قىزىعارلىق جايناپ تۇرعان شىرشانى بايقادىق. كىشكەنتاي بۇلدىرشىندەردىڭ باقىتتى جۇزدەرىن كورۋگە بولادى.
ماڭعىستاۋ وبلىسى پوليتسيا دەپارتامەنتى بارلىق بالالاردى جاڭا 2020 جىلمەن قۇتتىقتايدى. اپپاق قارداي كوڭىلى پاك بالاپاندارىمىزعا كەلەر جىل تەك جاقسىلىقتارىن سىيلاسىن, جارقىن كۇلكىسىنەن ايىرماسىن, دەندەرى ساۋ بولىپ, بال داۋرەن بالالىقتىڭ باقىتىنا تويماي جۇرە بەرۋىنە تىلەگىن بىلدىرەدى, دەيدى كادر ساياساتى باسقارماسى باستىعىنىڭ ورىنباسارى كوشەۆ امانبەك.
