ايتا كەتەتىنى, ەكسپورتتالعان بارلىق ءونىمنىڭ ۇشتەن ءبىر بولىگى, ياعني 859,2 ملن اقش دوللارىن (33,4 %) وتاندىق اۋىل شارۋاشىلىعى شيكىزاتىنان وڭدەلگەن دايىن ونىمدەر قۇراپ وتىر. وسىلايشا اۋىل شارۋاشىلىعى سالاسىندا قايتا وڭدەۋ ونىمدەرىن ساتۋ كورسەتكىشتەرى ءوسىپ وتىرعانىن كورۋگە بولادى. تەك, اعىمداعى جىلدىڭ قازان ايىندا ەلىمىزدەن شەت ەلدەرگە 102 ملن اقش دوللارىنا دايىن ءونىم ساتىلعان.
اۋىل شارۋاشىلىعى شيكىزاتىنان وڭدەلگەن دايىن ءونىم ەكسپورتىنىڭ ەڭ ۇلكەن ۇلەسى ۇن (30% - دان استام) جانە وسىمدىك مايى (15%) سياقتى تاۋارلارعا تيەسىلى. ەڭ كوپ ساتىلاتىن ونىمدەر قاتارىنا ءسۇت ونىمدەرى, كونديتەرلىك ونىمدەر, شوكولاد, ماكارون جانە قۇس ەتى كىرەدى.
سونىمەن قاتار قازاقستاندىق نارىقتى وتاندىق وندىرىستىك ازىق-ت ۇلىك ونىمدەرىمەن قامتاماسىز ەتۋ كورسەتكىشتەرى 80 پايىزدى قۇراپ وتىرعانىن اتاپ ءوتۋ قاجەت. تاۋارلاردىڭ كەيبىر تۇرلەرى بويىنشا قازاقستان جەرگىلىكتى ونىمدەرمەن 100 پايىز قامتاماسىز ەتىلگەن. بىراق, الما, بالىق, شۇجىق ونىمدەرى, ىرىمشىك جانە سۇزبە, قانت جانە قۇس ەتتەرى سياقتى تاۋار تۇرلەرىنەن قازاقستان يمپورتقا تاۋەلدى.
