حالەل مۇقاتاي ۇلى ماقسۇتوۆ 1964 جىلى قارقارالى اۋدانىندا دۇنيەگە كەلگەن. ءبىلىمى جوعارى: ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىن «قۇقىقتانۋ» جانە «ەكونوميكا باكالاۆرى» ماماندىقتارى بويىنشا تامامداعان.
ەڭبەك جولىن قارقارالى اۆتوكولىك كاسىپورنىنىڭ جۇرگىزۋشىسى بولىپ باستادى. 1987 جىلدان 1993 جىلعا دەيىن كومسومول ورگاندارىندا جۇمىس ىستەگەن. ودان كەيىن قاراعاندى وبلىستىق اكىمشىلىگىنىڭ جاستار ءىسى جونىندەگى كوميتەتىنىڭ توراعاسى, وبلىستىق جاستار ءىسى, تۋريزم جانە سپورت باسقارماسى باستىعىنىڭ ورىنباسارى, ميچۋرين اۋداندىق اكىمشىلىگى باسشىسىنىڭ ورىنباسارى, اباي اۋدانى اكىمىنىڭ ورىنباسارى, وبلىستىق اقپارات جانە قوعامدىق كەلىسىم باسقارماسىنىڭ باستىعى بولىپ قىزمەت ەتتى.
1999 جىلدان 2009 جىلعا دەيىن اتىراۋ وبلىسىنىڭ ءارتۇرلى مەكەمەلەرىندە جۇمىس ىستەدى. اتىراۋ قالاسى اكىمىنىڭ ورىنباسارى, جىلىوي اۋدانىنداعى قۇلسارى قالاسىنىڭ اكىمى, كاسىپكەرلىك جانە ونەركاسىپ دەپارتامەنتى ديرەكتورىنىڭ ورىنباسارى, جۇمىلدىرۋ جۇمىسى, ازاماتتىق قورعانىس, اپاتتار مەن دۇلەي اپاتتاردىڭ الدىن الۋدى جانە جويۋدى ۇيىمداستىرۋ باسقارماسىنىڭ باستىعى قىزمەتتەرىن اتقاردى.
2009-2011 جىلدارى قاراعاندى قالاسى اكىمىنىڭ ورىنباسارى بولدى.2011 جىلدىڭ مامىرىنان 2019 جىلدىڭ جەلتوقسانىنا دەيىن قارقارالى اۋدانىنىڭ اكىمى بولىپ قىزمەت ەتتى.
