وبلىس اكىمىنىڭ بۇيرىعىمەن دەنساۋلىق ساقتاۋ باسقارماسىنىڭ باسشىسى بولىپ بايتوللا عازيزوۆ تاعايىندالدى.
-وتكىزىلگەن كونكۋرس قورىتىندىسىمەن بايتوللا زاكاريا ۇلى عازيزوۆ دەنساۋلىق ساقتاۋ باسقارماسىنىڭ باسشىسى بولىپ تاعايىندالدى. مەديتسينا سالاسىنداعى تاجىريبەلى مامان. اۋداندىق, وبلىستىق دەڭگەيدە ءتۇرلى باسشىلىق قىزمەتتەر اتقاردى. كاسىبي, ۇيىمداستىرۋشىلىق قابىلەتى جوعارى. ونىڭ باسشىلىعىمەن وڭىردەگى دەنساۋلىق ساقتاۋ سالاسى جاڭا سەرپىن الادى دەگەن سەنىمدەمىن. الدا ەل يگىلىگى ءۇشىن اتقاراتىن كوپ جۇمىس كۇتىپ تۇر, دەدى ماحامبەت دوسمۇحامبەتوۆ.
بايتوللا عازيزوۆ وبلىس باسشىسىن وڭىردەگى دەنساۋلىق ساقتاۋ سالاسىنداعى ماڭىزدى ماسەلەلەردى شەشۋگە بار كۇش-جىگەرى مەن تاجىريبەسىن سالاتىنىنا سەندىردى.
ب.عازيزوۆ - جوعارى ءبىلىمدى, اقتوبە مەملەكەتتىك مەديتسينا ۋنيۆەرسيتەتىن بىتىرگەن. ەڭبەك جولىن اتىراۋ وبلىستىق اۋرۋحاناسىندا دارىگەرلىكتەن باستاعان. يندەر, قۇرمانعازى اۋداندارىندا وتباسىلىق-دارىگەرلىك امبۋلاتوريالاردا جۇمىس ىستەگەن. تۋبەركۋلەزگە قارسى اۋرۋحانادا, كەيىن قۇرمانعازى اۋداندىق اۋرۋحاناسىندا باس دارىگەر بولدى. مەديتسينالىق جانە فارماتسەۆتىك قىزمەتتەردى باقىلاۋ كوميتەتىنىڭ اتىراۋ وبلىسىنداعى دەپارتامەنتىن باسقاردى.
ب.عازيزوۆ بۇگىنگە دەيىن الەۋمەتتىك-مەديتسينالىق ساقتاندىرۋ قورى وبلىستىق فيليالىنىڭ ديرەكتورى قىزمەتىن اتقاردى.
