م. بەكەتاەۆ اتاپ وتكەندەي, ۇكىمەتتىڭ زاڭ جوبالاۋ جۇمىستارىنىڭ 2019 جىلعا ارنالعان جوسپارى بەكىتىلگەن كەزدە ونىمەن 27 زاڭ جوباسىن ازىرلەۋ جانە پارلامەنتكە ەنگىزۋ كوزدەلگەن بولاتىن. الايدا, ازىرلەۋشى ورگانداردىڭ ۇسىنىستارى نەگىزىندە جوسپارعا جىل ىشىندە ەنگىزىلگەن تۇزەتۋلەردى ەسكەرە وتىرىپ, ونىمەن قازىرگى ۋاقىتتا 32 زاڭ جوباسىن ازىرلەۋ كوزدەلەدى. ولاردىڭ بارلىعى پارلامەنت قاراۋىنا ەنگىزىلدى.
«ونىڭ ىشىندە 3 زاڭ جوباسىنا مەملەكەت باسشىسى قول قويدى, جيىرما 9 زاڭ جوباسى پارلامەنتتىڭ قاراۋىندا» دەدى مينيستر.
جىل ىشىندە جوسپارعا 10 رەت تۇزەتۋلەر ەنگىزىلدى. اتالعان تۇزەتۋلەرمەن 4 زاڭ جوباسى ەنگىزىلدى, 12 زاڭ جوباسى بويىنشا مەرزىمدەر اۋىستىرىلدى, ءبىر زاڭ جوباسى ەكىگە ءبولىندى.
م. بەكەتاەۆتىڭ ايتۋىنشا, زاڭ جوباسىنىڭ تۇجىرامداماسىن ازىرلەۋ ساتىسىندا قۇقىق قولدانۋ تاجىريبەسىنە ساپاسىز تالداۋدى جۇرگىزۋ, سونداي-اق ازىرلەۋشى مەملەكەتتىك ورگانداردىڭ ءبىرىنشى باسشىلارىنىڭ تاراپىنان قاجەتتى باقىلاۋدىڭ بولماۋى جوسپاردا بەلگىلەنگەن مەرزىمدەردىڭ بۇزۋلۋىنىڭ نەگىزگى سەبەپتەرى بولىپ تابىلادى.
سونىمەن قاتار ازىرلەۋشى مەملەكەتتىك ورگاندار زاڭ جوبالارىنىڭ ەرەجەلەرىن ماقساتتى توپتارمەن تالقىلاۋ بويىنشا ءتيىستى جۇمىستى جۇرگىزبەگەن. بۇل فاكتورلار 2019 جىلعا جوسپارلانعان زاڭ جوبالاردىڭ مەرزىمدەرىنىڭ جارتىسىن اۋىستىرۋعا الىپ كەلدى.
«ناتيجەسىندە, ءىى جارتىجىلدىقتا پارلامەنتكە 13 زاڭ جوباسى ەمەس, 25 زاڭ جوباسى ەنگىزىلدى, ياعني باستاپقىدا جوسپارلانعان سانىنان ەكى ەسە كوپ. بۇل ارينە, پارلامەنت دەپۋتاتتارى مەن پرەزيدەنت اكىمشىلىگى تاراپىنان نەگىزدى سىنعا اكەلدى» دەدى م. بەكەتاەۆ.
زاڭ جوبالاۋ ماسەلەلەرى بويىنشا دا بىرنەشە جينالىستار وتكىزىلدى. اتقارىلعان جۇمىستاردىڭ ناتيجەسىندە ادىلەت مينيسترلىگىمەن زاڭ جوبالاۋ قىزمەتىنە باقىلاۋدى كۇشەيتۋگە جانە زاڭ شىعارماشىلىق جۇمىسىنىڭ ساپاسىن ارتتىرۋعا باعىتتىلعان بىرقاتار شەشىمدەرگە تۇزەتۋلەر ازىرلەندى. اتالعان تۇزەتۋلەر جوسپارلانعان زاڭ جوبانىڭ مەرزىمىن اۋىستىرعانى نەمەسە مەرزىمدەرىن بۇزعانى ءۇشىن ازىرلەۋشى-مەملەكەتتىك ورگاننىڭ جاۋاپتى تۇلعالارىنىڭ جاۋاپكەرشىلىگىن ارتتىرۋدى كوزدەيدى. بۇل تۇزەتۋلەر بارلىق مينيسترلىكتەرمەن كەلىسىلدى. ءتيىستى قاۋلى جوباسى پرەمەر-مينيستر كەڭسەسىنىڭ قاراۋىندا.
بۇعان قوسا, زاڭداردى ازىرلەۋ, ولار بويىنشا قوعامدىق تالقىلاۋ جانە قابىلداۋ راسىمدەرىن جەتىلدىرۋ ماقساتىندا, ادىلەت مينيسترلىگى زاڭ شىعارۋ پروتسەسىن جەتىلدىرۋ ماسەلەلەرى بويىنشا زاڭنامالىق تۇزەتۋلەر توپتاماسىن ازىرلەدى. ءتيىستى زاڭ جوباسى ۇكىمەت وتىرىسىندا ماقۇلداندى جانە جاقىندا پارلامەنت قاراۋىنا ەنگىزىلەتىن بولادى.
ء«بىزدىڭ پىكىرىمىزشە, جوعارىدا اتالعان ۇستانىمدار ۇكىمەتتىڭ زاڭ جوبالاۋ جۇمىستارىن ساپالى جوسپارلاۋدى, سونداي-اق ۇكىمەتكە جانە پارلامەنتكە زاڭ جوبالارىن ۋاقىتىلى ەنگىزۋگە وڭ اسەر ەتەدى» دەدى مينيستر.
سونىمەن قاتار مارات بەكەتاەۆ ۇكىمەتتىڭ زاڭ جوبالاۋ جۇمىستارىنىڭ 2020 جىلعا ارنالعان جوسپار جوباسى تۋرالى ايتتى.
ادىلەت مينيسترلىگى زاڭ جوبالاۋ قىزمەتى ماسەلەلەرى جونىندەگى ۆەدومستۆوارالىق كوميسسيا مۇشەلەرىمەن بىرلەسىپ ۇكىمەتتىڭ زاڭ جوبالاۋ جۇمىستارىنىڭ 2020 جىلعا ارنالعان جوسپار جوباسىن ازىرلەدى. جوسپار جوباسى پرەزيدەنت تاپسىرمالارىنىڭ جانە ستراتەگيالىق قۇجاتتاردا ايقىندالعان مىندەتتەر نەگىزىندە ازىرلەندى.
جوسپار جوباسى 17 زاڭ جوباسىن ازىرلەۋدى كوزدەيدى. ازىرلەنەتىن زاڭ جوبالارى ءتۇرلى سالالاردى ودان ءارى دامىتۋعا باعىتتالعان. مىسالى, الەۋمەتتىك قامسىزداندىرۋ, دەنە شىنىقتىرۋ جانە سپورت, اسكەري قىزمەت جانە ارنايى مەملەكەتتىك ورگاندار قىزمەتكەرلەرى مەن اسكەري قىزمەتشىلەردىڭ تۇرعىن ءۇي قاتىناستارى ت.ب.
الداعى جىلى «ەرەكشە تاۋارلاردى باقىلاۋ تۋرالى», «وسىمدىكتەر الەمى تۋرالى» جانە «ارداگەرلەر تۋرالى» جاڭا جەكەلەگەن زاڭ جوبالارىن ازىرەۋ كوزدەلىپ وتىر.
جوسپار جوباسىندا مەملەكەت باسشىسىنىڭ قازاقستان حالقىنا جولداۋىن, سونداي-اق پرەزيدەنتتىڭ سايلاۋالدى باعدارلاماسىن ىسكە اسىرۋعا باعىتتالعان بىرقاتار زاڭ جوبالارى كوزدەلگەن. ولار - مەملەكەتتىك ساتىپ الۋلار, دەنە شىنىقتىرۋ جانە سپورت, اۋداندىق, قالالىق جانە اۋىلدىق دەڭگەيدەگى بيلىكتىڭ دەربەستىگى مەن جاۋاپكەرشىلىگىن كەڭەيتۋ ماسەلەلەرى بويىنشا زاڭ جوبالارى.
مىسالى, مەملەكەتتىك ساتىپ الۋلار ماسەلەلەرى بويىنشا زاڭ جوباسىن ازىرلەۋ ساتىپ الۋ راسىمدەرىن وڭايلاتۋ جانە وتكىزۋ راسىمدەرىندە ارتىق رەتتەۋدى جويۋ ناتيجەسىندە مەملەكەتتىك ساتىپ الۋلاردى ءتيىمدى وتكىزۋگە ىقپال ەتەتىن بولادى. ازىرلەنەتىن زاڭ جوبالادىڭ ەڭ كوبى يندۋستريا جانە ينفراقۇرىلىمدىق دامۋ مينيسترلىگى مەن ەڭبەك جانە حالىقتى الەۋمەتتىك قورعاۋ مينيسترلىگىنە تيەسىلى, ارقايسىسى 3 زاڭ جوباسىنان ازىرلەيدى.
قارجى, ۇلتتىق ەكونوميكا, سىرتقى ىستەر, مادەنيەت جانە سپورت, گەولوگيا جانە تابيعي رەسۋرستار, مينيسترلىكتەرى ەكى زاڭ جوباسىنان ازىرلەيتىن بولادى. قورعانىس مينيسترلىگى ءبىر زاڭ جوباسىن ازىرلەيدى.
مينيستر اتاپ وتكەندەي, زاڭ جوبالارىن پارلامەنتكە ۇسىنۋ مەرزىمدەرى بىركەلكىلىك جاعىنا قاراي قايتا قارالدى.
وسىلايشا, جوسپار جوباسىندا قاراستىرىلعان 17 زاڭ جوباسىنان 2020 جىلدىڭ ءى جارتى جىلدىعىندا پارلامەنتكە 8 زاڭ جوباسىن, ال ءىى جارتى جىلدىقتا 9 زاڭ جوباسىن ەنگىزۋ كوزدەلگەن.
جوسپار جوباسى بارلىق مەملەكەتتىك ورگاندارمەن جانە پرەزيدەنت اكىمشىلىگىمەن كەلىسىلدى.
