ادىلەت ءمينيسترى م. بەكەتاەۆ بايانداما جاسادى, ول بيىل پارلامەنتكە «پەداگوگ مارتەبەسى تۋرالى», «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستى, ەكولوگيالىق كودەكستى جانە ت. ب. قوسا العاندا 32 زاڭ جوباسى ەنگىزىلگەنىن ايتتى.
«2020 جىلعا ارنالعان جوسپار جوباسىنا وزەكتى جانە ماڭىزدى ماسەلەلەردى شەشۋگە, تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆ پەن مەملەكەت باسشىسى قاسىم-جومارت كەمەل ۇلى توقاەۆتىڭ تاپسىرمالارىن ورىنداۋعا باعىتتالعان 17 زاڭ جوباسى ەنگىزىلدى» دەدى ا. مامين.
مەملەكەت باسشىسىنىڭ سايلاۋالدى باعدارلاماسىن جانە جولداۋىن ىسكە اسىرۋعا ارنالعان زاڭ جوبالارى قاراستىرىلعان. جاڭا زاڭ جوبالارى, سونىڭ ىشىندە,«ارداگەرلەر تۋرالى», «وسىمدىكتەر الەمى تۋرالى» جانە ارەكەت ەتىپ تۇرعان زاڭناماعا وزگەرىستەر ەنگىزۋدى كوزدەيتىن تاعى دا باسقا بىرقاتار زاڭ جوبالارى ازىرلەنەدى.
پرەمەر-مينيستر مەملەكەتتىك ورگانداردىڭ ءبىرىنشى باسشىلارىنا زاڭ جوبالاۋ جۇمىسىن جەكە باقىلاۋعا الۋدى تاپسىردى.
«جوسپارلى زاڭ جوبالارىن ەنگىزۋ مەرزىمدەرى بۇزىلعان جاعدايدا تىكەلەي ءبىرىنشى باسشىلاردىڭ جاۋاپكەرشىلىگى قارالاتىن بولادى» دەپ ا. مامين, ادىلەت مينيسترلىگىنە ۇكىمەتتىڭ زاڭ جوبالاۋ جۇمىستارىنىڭ 2020 جىلعا ارنالعان جوسپارىن ىسكە اسىرۋ كەزىندە جالپى باقىلاۋدى كۇشەيتۋدى تاپسىردى.
