قوعامدىق قابىلداۋ قىزمەتىنىڭ ماقساتى – ء«بىر تەرەزە» ۇستانىمى بويىنشا وبلىستىڭ جەرگىلىكتى اتقارۋشى ورگاندارىنا جۇگىنۋگە قولايلى جاعداي جاساۋ, مەملەكەتتىك ورگانداردىڭ قىزمەتىنە قاتىستى اقپاراتتاردى ۇسىنۋدىڭ قولجەتىمدىلىگى مەن ساپاسىن ارتتىرۋ.
مەملەكەت باسشىسى بەكىتكەن «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ ماقساتىندا اگەنتتىك توراعاسى اليك شپەكباەۆ پەن وبلىس اكىمى دانيال احمەتوۆ اتالعان قوعامدىق قابىلداۋ الاڭىندا ازاماتتاردى جەكە ماسەلەلەرى بويىنشا قابىلدادى.
سونداي-اق «شىعىس – ادالدىق الاڭى» جوبالىق كەڭسەسىنىڭ جانە «بيزنەس پەن ينۆەستيتسيانى قورعاۋ» جوباسىنىڭ بىرلەسكەن قىزمەتى اياسىندا اليك شپەكباەۆ وبلىستىق جەدەل باسقارۋ, اقپاراتتىق تەحنولوگيالار جانە «INVEST IN EAST» ينۆەستيتسيالىق كەڭسەسىنىڭ ورتالىقتارىمەن تانىستى.
ا.شپەكباەۆ پەن د.احمەتوۆ د.سەرىكباەۆ اتىنداعى شقمتۋ-دە وتكەن «پاراساتتى ۇرپاق» اتتى سىبايلاس جەمقورلىققا قارسى ستۋدەنتتىك فورۋمعا قاتىستى. فورۋمدا قازاقشا كۇرەستەن قازاقستاننىڭ ەڭبەك سىڭىرگەن سپورت شەبەرى, «الەم بارىسى», «قازاقستان بارىسى» ايبەك نۇعىماروۆ, الەم چەمپيونى, وليمپيادانىڭ قولا جۇلدەگەرى يۋليا گالىشەۆا, شاكارىم اتىنداعى سەمەي مەملەكەتتىك ۋنيۆەرسيتەتىنىڭ رەكتورى مەيىر ەسكەندىروۆ, «Sanaly urpaq» بەلسەندىلەرى ءسوز سويلەدى.
فورۋمدى قورىتىندىلاي كەلە اگەنتتىك توراعاسى قازاقستان جاستارى سىبايلاس جەمقورلىققا قارسى ءىس-قيمىل جاساۋعا دايىن ەڭ بەلسەندى جانە ناتيجەلى توپ ەكەندىگىن اتاپ ءوتتى. سونىمەن قوسا جاستاردى سىبايلاس جەمقورلىققا قارسى تاربيەلەۋدە وتباسى ينستيتۋتىنىڭ ءرولى زور ەكەنىنە نازار اۋداردى.
فورۋم سوڭىندا ا.شپەكباەۆ «شىعىس – ادالدىق الاڭى» جوباسى اياسىندا شىعىس قازاقستان گۋمانيتارلىق كوللەدجىنە باردى. ءبىلىم بەرۋ مەكەمەلەرىندەگى پاراساتتىلىق مەكتەپتەرىنىڭ ماقساتى – وسكەلەڭ ۇرپاققا رۋحاني قۇندىلىقتار مەن جوعارى ادامگەرشىلىك قاسيەتتەردى, سىبايلاس جەمقورلىققا قارسى مادەنيەتتى قالىپتاستىرۋ.
