ۇلتتىق قۇندىلىقتارعا ۇمتىلعان, اينالامىزداعى 10 مەملەكەتكە ونىمدەرىن تاراتىپ وتىرعان قازاقستانداعى Eurasian Foods Corporation حولدينگى الماتىداعى زاۋىتى. «مەرەكەلىك پروۆانسال» اتتى بيە ءسۇتى قوسىلعان العاشقى قازاقستاندىق مايونەزدىڭ تانىستىرىلىمى مەن ءدامتاتارىن وتكىزدى.
ازىق-ت ۇلىك نارىعىندا تۇتىنۋشىلاردىڭ تالعامى سوڭعى جىلدارى تابيعي ازىق-ت ۇلىككە قاراي بەت الدى. ال ەلىمىزدە بيە ءسۇتىنىڭ قاسيەتتەرى ەجەلدەن باعالى. بيە سۇتىندە ادام اعزاسىنا قاجەتتى 40-قا جۋىق بيولوگيالىق كومپونەنت بار. بۇگىندە ءداستۇرلى, قازىرگى زامانعى فورماتتا شىعارىلعان ونىمدەر تانىمال ەكەنىن نازارعا الا وتىرىپ, Eurasian Foods Corporation تەحنولوگتارى بيە ءسۇتى قوسىلعان مايونەزبەن تۇتىنۋشىلارىن ەلەڭ ەتكىزۋگە شەشىم قابىلداعان ەكەن.
Eurasian Foods Corporation يننوۆاتسيالىق تەحنولوگيالىق زەرتحاناسىنىڭ باستىعى رۋسلان شىلدەباەۆتىڭ ايتۋىنشا, قازاق ۇلتتىق ءاسۇيىنىڭ داستۇرلەرىن اسپەتتەيتىن بىرەگەي مايونەزدى جاساۋدىڭ «شىعارماشىلىق پروتسەسى» ءبىر جىلعا سوزىلعان.
بىرەگەي وندىرىستىك تەحنولوگيا ارقىلى جاڭا ونىمدە بارلىق پايدالى ينگرەديەنتتەر ساقتالعان. مايونەز كومپانيانىڭ كاسىپورىندارىندا ءداستۇرلى «ىستىق» تاسىلمەن وندىرىلەدى, ونىڭ نەگىزىندە پاستەرلەۋ پروتسەسى جاتىر.
– مۇنداي تەحنولوگيا باسەكەلەستەرمەن سالىستىرعاندا ءوندىرىستىڭ نەعۇرلىم ۇزاق ءارى شىعىندى پروتسەسىن قامتيدى, بىراق مۇنى ۇنەمدەۋ دەپ ەسەپتەمەيمىز. ساپا داستۇرلەرىن ۇستاناتىندىقتان, مايونەزدەردى كلاسسيكالىق «ىستىق تاسىلمەن» وندىرەتىنىمىزدى ماقتان تۇتامىز», دەيدى باس تەحنولوگ مارينا پاك.
كاسىپورىننىڭ دامۋ ستراتەگياسىنا سايكەس, زاۋىت بۇگىندە مايونەز, كەتچۋپ, تۇزدىقتار, دامدەۋىشتەر مەن كۇنباعىس مايىن شىعارۋعا ماماندانعان. نارىقتىڭ قاجەتىن قاناعاتتاندىرىپ, دايىن ونىمدەردى ۇلعايتۋ ءۇشىن تەحنولوگيالىق جانە قوسالقى جابدىقتاردى جاڭعىرتۋ جانە جاڭا تەحنولوگيالاردى ەنگىزۋ تۇراقتى تۇردە جۇزەگە اسىرىلادى. سوڭعى ون جىلدا ءوندىرىستى دامىتۋعا ينۆەستيتسيا كولەمى 80,5 ميلليون دوللاردان اسقان. 3 مىڭعا جۋىق ادامدى جۇمىس ورنىمەن قامتاماسىز ەتەتىن حولدينگ قۇرامىنا سالانىڭ ەكى ءىرى كاسىپورنى – الماتى مەن قاراعاندى زاۋىتتارى كىرەدى. 2018 جىلدىڭ قورىتىندىسى بويىنشا حولدينگ شىعاراتىن ءونىم كولەمى 140 مىڭ توننادان استى.
الماتى كاسىپورنىنداعى بارلىق وندىرىستىك پروتسەستەر اۆتوماتتاندىرىلدى. وسىمدىك مايىن قۇيۋ اۋستريالىق ءوندىرىس جەلىسىندە, مايونەز, كەتچۋپ جانە تۇزدىقتار دايىنداۋ – شۆەيتساريادا جاسالعان جابدىقتاردا جۇزەگە اسىرىلادى. بۇگىنگى تاڭدا نارىقتا زاماناۋي وراۋ, قاپتاما جەلىلەرىن ورناتۋ ارقىلى ءونىمنىڭ بىرنەشە فورماتى ۇسىنىلعان. ارقايسىسى ابسوليۋتتىك ميكروبيولوگيالىق تازالىققا كەپىلدىك بەرەدى جانە كونسەرۆانتتاردى پايدالانباي ساقتاۋ مەرزىمىن ۇزارتادى. كاسىپورىندا اتتەستاتسيالانعان فيزيكا-حيميالىق جانە ميكروبيولوگيالىق زەرتحانالار جۇمىس ىستەيدى, بارلىق كەلىپ تۇسەتىن شيكىزاتقا جانە شىعارىلاتىن دايىن ونىمگە وتپەلى تەكسەرۋ جۇرگىزەدى. وسىلايشا, ءونىمنىڭ قاۋىپسىزدىگى بارلىق وندىرىستىك تسيكل بويى قامتاماسىز ەتىلەدى.
كوپ جىلدار بويى كاسىپورىن الىس جانە جاقىن شەتەل ەلدەر نارىقتارىنا – رەسەي, قىتاي, قىرعىزستان, وزبەكستان, تاجىكستان, تۇركمەنستان, اۋعانستان, گرۋزيا, ارمەنيا, ازەربايجان مەن موڭعولياعا ءونىمىن جەتكىزىپ ءجۇر. 2018 جىلى حولدينگ 19 مىڭ توننا ءونىم ەكسپورتتاعان نەمەسە بۇل جالپى ءوندىرىس كولەمىنىڭ 13%-ى. سوڭعى بەس جىلدا ەكسپورت كولەمى 56%-عا ءوستى. Astana Agro-2018 فورۋمىنىڭ قورىتىندىسى بويىنشا Eurasian Foods Corporation حولدينگى قازاقستاندا ءونىم ەكسپورتىنىڭ كوشباسشىسى بولىپ تانىلدى.
– 2019 جىلدىڭ جازىندا حولدينگ قۇرامىنا پەتروپاۆل ءسۇت زاۋىتى – «مولوچنىي سويۋز» جشس كىردى. كاسىپورىن 1929 جىلى قۇرىلدى. ء«سۇت وداعىمەن» شىعارىلاتىن ءونىم سولتۇستىك قازاقستاندا عانا ەمەس, ودان تىس جەرلەردە دە تانىمال. قازىر كاسىپورىندى اۋقىمدى جاڭعىرتۋ جانە ىرىمشىك سۇرىپتالىمىن كەڭەيتۋگە نازار اۋدارا وتىرىپ, ءسۇت ونىمدەرىنىڭ سۇرىپتالىمىن جاڭارتۋ جوسپارلانۋدا, – دەيدى Eurasian Foods Corporation اق باسقارما توراعاسىنىڭ ورىنباسارى يۆان كولەسنيكوۆ.
الماتى
