ماي اۋدانى قالماققىرعان تاۋىندا ارحەولوگيالىق, ەتنوگرافيالىق زەرتتەۋ جۇمىستارى باستالدى.
كەلەسى جىلى قالماققىرعان, بەرەل, اۋليەكول جەرلەرىندە ارحەولوگيالىق قازبا جۇمىستارى جالعاستىرىلماق.
سونداي-اق وبلىس اكىمى پوتانين اتىنداعى ۇزدىك وبلىستىق مۋزەيگە, ال «وبلىستىق حالىق شىعارماشىلىعى ورتالىقتارىنىڭ ۇزدىك قىزمەتكەرى» نوميناتسياسىندا بۇزاۋباەۆا الماگۇلگە, «زاعيپ جانە كوزى ناشار كورەتىن ازاماتتارعا ارنالعان كىتاپحانا قىزمەتكەرى» نوميناتسياسىن ءلاززات قۋانتاەۆاعا العىس حاتتار تابىستادى.
ال, 2020 جىلى جۇسىپبەك ايماۋىتوۆ اتىنداعى قازاق-مۋزىكالىق دراما-تەاترى كۇردەلى جوندەۋدەن وتپەك.
-سونداي-اق ابايدىڭ 175, ءال-ءفارابيدىڭ 1150, التىن وردانىڭ 750 جىلدىعىنا ارنالعان ءىس-شارالار وتەدى, دەدى وبلىس اكىمى ب. باقاۋوۆ.
كەزدەسۋ سوڭىندا ءوڭىردىڭ مادەنيەتى مەن رۋحاني تىنىسىنا ۇلەس قوسىپ جۇرگەن جاندارعا العىس حاتتار مەن 200 مىڭ تەڭگە كولەمىندە سىياقى تابىستادى.
ولاردىڭ قاتارىندا جۇسىپبەك ايماۋىتوۆ اتىنداعى قازاق مۋزىكالىق دراما-تەاترىنىڭ اكتەرلارى, ارحەولوگتار جانە ەلىمىزدەگى «تاۋەلسىزدىك-تۇعىرىم» چەللەندجىن باستاعان «جەبە» قوعامدىق بىرلەستىگىنىڭ جەتەكشىسى دانيار ءجۇمادىل بار.
