بۇگىن تالدىقورعان قالاسىندا مارقۇمنىڭ جانازاسى شىعارىلدى. قارا جامىلعان وتباسىنا وبلىس اكىمى اماندىق باتالوۆ باستاعان اكىمشلىك وكىلدەرى كوڭىل ايتىپ, جاقىندارىنىڭ قايعىسىن ءبولىستى. قىرىق جاستاعى باۋىرجان قاليەۆ تالدىقورعان قالاسىندا تۋىپ, وسكەن. الماتى قالاسىندا قىزمەت ىستەگەن. مارقۇمنىڭ ارتىندا 3 بالاسى قالدى.
ەسكە سالا كەتسەك, 27 جەلتوقسان كۇنى الماتى وبلىسىنىڭ تالعار اۋدانى, گۇلدالا اۋىلىنىڭ ماڭىندا جولاۋشىلار ۇشاعى اپاتقا ۇشىرادى. «بەك ەير» اۋە كومپانياسىنا تيەسىلى ۇشاقتىڭ بورتىندا 93 جولاۋشى ءجان 5 ەكيپاج مۇشەسى بولعان.
اپات سالدارىنان 12 ادام قازا بولىپ, 47 ادام اۋىر جاعدايدا اۋرۋحانا جەتكىزىلدى. قايعىلى وقيعا وراي مەملەكەت باسشىسى قاسىم-جومارت توقاەۆتىڭ جارلىعىمەن 28 جەلتوقسان ۇلتتىق ازا تۇتۋ كۇنى بولىپ جاريالاندى.
