«7 قاڭتارعا دەيىن كەيىنگە قالدىرىلعان «Bek Air» رەيستەرىنىڭ جولاۋشىلارى ءۇشىن «Air اstanا» اۋە كومپانياسى ورىن بولعان جاعدايدا بەك ەيردىڭ باستاپقى بيلەت قۇنىنان اسپايتىن باعا ۇسىناتىن بولادى. جالپى, «Air اstanا» 27-29 جەلتوقسان كۇنى نۇر-سۇلتاننان الماتىعى جانە كەرى باعىتتا قوسىمشا 5 رەيس شىعاردى. اۋە كومپانياسى بەك ەيردىڭ الىنىپ تاستالعان رەيستەرىنىڭ جولاۋشىلارىنان دىتتەگەن جەرلەرىنە دەر ۋاقىتىندا جەتۋلەرىنە كومەكتەسۋ ءۇشىن قوسىمشا ىشكى رەيستەر شىعارۋ جۇمىستارىن جالعاستىرۋدا» دەلىنگەن حابارلامادا.
سونىمەن قاتار ۆەدومستۆو مالىمەتىنشە, SCAT اۋە كومپانياسى «بەك ەير» جولاۋشىلارىن تاسىمالداۋعا 2020 جىلدىڭ 31 قاڭتارىنا دەيىن كومەك كورسەتەتىن بولادى. تاسىمالداۋ بوس ورىن بولعان جاعدايدا جۇزەگە اسىرىلادى. جول ءجۇرۋ قۇجاتىن راسىمدەۋ ءۇشىن «Bek Air» اۋە كومپانياسىنىڭ وكىلدەرىنە جۇگىنۋ قاجەت. مۇنان بولەك SCAT «Bek Air» كومپانياسى ەكيپاجدارىن وڭىرلەردەن تۇرعىلىقتى جەرلەرىنە جەتكىزۋدە دە كومەك كورسەتتى. «Qazaq اir» اۋە كومپانياسى دا «Bek Air» كومپانياسىنىڭ جولاۋشىلارىن تاسىمالداۋعا كومەك كورسەتۋدى 2019 جىلدىڭ 31 جەلتوقسانىنا دەيىن سوزىپ وتىر (بوس ورىندار بولعان جاعدايدا).
مۇنان بولەك ۇكىمەت تاپسىرماسىنا سايكەس, ەلىمىزدىڭ يندۋستريا جانە ينفراقۇرىلىمدىق دامۋ مينيسترلىگى «بەك ەيردىڭ» الىنىپ تاستالعان رەيستەرىنىڭ جولاۋشىلارىن تاسىمالداۋ ءۇشىن «نۇر-سۇلتان-الماتى» باعىتىندا قوسىمشا پويىز ۇيىمداستىردى. پويىز 30 جەلتوقسان كۇنى نۇر-سۇلتان-1 ستانساسىنان ساعات 22:03-تە شىعىپ, الماتى-2 ستانساسىنا 31 جەلتوقسان كۇنى ساعات 17:30-دا جەتەدى.
تەمىر جول كولىگىنە مىنگىسى كەلەتىن جولاۋشىلار ءتىزىم جاسالۋى ءۇشىن «بەك ەير» كومپانياسىنىڭ وكىلدەرىنە جۇگىنۋلەرى كەرەك.
كولل-ورتالىقتاردىڭ تەلەفوندارى:
-«قازاقستاننىڭ اۆياتسيالىق اكىمشىلىگى»اق +77172613187;
-«ەير استانا» اۋە كومپانياسى +77172584477, +77272444477, +77027024477;
-«SCAT» اۋە كومپانياسى +77252998880 (ۆن. 277, 278); - «Qazaq Air» اۋە كومپانياسى +77273561414;
-«بەك ەير» اۋە كومپانياسى +77273545000, +77017334576. كولل-ورتالىقتار جۇمىس, دەمالىس جانە مەرەكە كۇندەرى تاۋلىك بويى جۇمىس ىستەيدى.
