نۇرلان مىرزاحان ۇلى پوليتسيا دەپارتامەنتى باستىعى لاۋازىمىنا وسى جىلدىڭ قاراشا ايىندا عانا تاعايىندالدى.
نۇرلان ءماسىموۆتىڭ مالىمدەۋىنشە, جۇرگىزىلگەن زەرتتەۋلەر بويىنشا, تۇرمىستىق قىلمىستاردىڭ 73 پايىزىن جۇمىسسىزدار, ال, 63 پايىزىن ماس كۇيدەگى ادامدار جاساعان.
وتباسىلىق-تۇرمىستىق باعىتتاعى قىلمىستار سانى بويىنشا پاۆلودار مەن ەكىباستۇز قالالارىنىڭ تۇرعىندارى الدىڭعى قاتاردا.
وبلىستىڭ 280-نەن استام تۇرعىنىنا الكوگولدىك سۋسىندار پايدالانۋعا تىيىم سالىنعان.
بولات باقاۋوۆتىڭ پىكىرىنشە, قىلمىستار ازايۋى ءۇشىن ۋچاسكەلىك ينسپەكتورلاردىڭ جۇمىسىن جانداندىرۋ كەرەك.
-ۋچاسكەلىك شاقىرتۋلار ورىن العان وتباسىلارعا كەم دەگەندە اپتاسىنا ءبىر رەت بارىپ تۇرۋ كەرەك. سونىمەن قاتار, ۋچاسكەلىك ينسپەكتورلار الكوگولدىك سۋسىنداردى ءجيى ىشەتىن ادامداردى جاقسى تانۋعا ءتيىس. ۋچاسكەلىك ينسپەكتورلاردىڭ جۇمىسىن جانداندىرۋدى تاپسىرامىن, دەدى وبلىس اكىمى.
وبلىستا وزگەنىڭ مۇلكىن ۇرلاۋ كورسەتكىشى تومەن دەپ وتىر. نۇرلان ءماسىموۆتىڭ سوزىنشە, وزگەنىڭ مۇلكىن ۇرلاۋعا قارسى باعدارلامانىڭ ناتيجەسىندە ۇرلىق جاساۋ ازايعان.
ونىڭ ىشىندە پاتەر توناۋ 32 پايىزعا (625-تەن 423-كە), سالوندارداعى ۇرلىق 38 پايىزعا (296-دەن 184-كە), قالتا ۇرلىعى 57 پايىزعا (125-تەن 54-كە), تەلەفون ۇرلىعى 13 پايىزعا (1124-تەن 975-كە) تومەندەگەن.
بىراق, اۋىلدارداعى مال ۇرلىعى 16 پايىزعا ارتقان (111-دە 129-عا).
جيىن قورىتىندىسى بويىنشا وبلىس تۇرعىندارىنىڭ قاۋىپسىزدىگىن ساقتاۋعا جانە ۋچاسكەلىك ينسپەكتورلاردىڭ قوعاممەن بىرلەسە جۇمىس ىستەۋىن جانداندىرۋعا باعىتتالعان ناقتى تاپسىرمالار بەرىلدى.
