جەدەلساتىلى ليفتىلەر كوندومينيۋمنىڭ يەلىگىندە بولعاندىقتان, ولاردى جاڭارتۋ بويىنشا شەشىمدى تۇرعىنداردىڭ وزدەرى قابىلدايدى.
ال, «وڭىرلەردى دامىتۋ-2020» باعدارلاماسى اياسىندا 50 ميلليون تەڭگە بولىنبەك.
بۇل قاراجاتقا كەلەسى جىلى 1 ماي كوشەسى, 284-ءىنشى ۇيدە ءۇش ءليفتىنى اۋىستىرۋعا 29 ميلليون تەڭگە, شوكين, 31 كوشەسىندەگى ءبىر ليفتىگە 9,1 ميلليون تەڭگە, نازارباەۆ داڭعىلى, 81, 89-دا 7 جەدەلساتىنى جاڭارتۋعا 60,4 ميلليون تەڭگە تەڭگە قاراستىرىلۋدا.
ال, پاتەر يەلەرى مەملەكەتتىك باعدارلاما اياسىندا جەدەلساتىنى جاڭارتۋعا قاراستىرىلعان قارجىنى قايتارۋعا مىندەتتى.
ياعني, جەرگىلىكتى اكىمدىك تۇرعىندارعا پايىزسىز قارجى بەرەدى. ەشقانداي ۇستەمەاقى قوسىلمايدى. تەك پاتەر يەلەرى بەلگىلەنگەن اقشانى ۋاقىتىلى تولەپ, قايتارۋ قاجەت.
تولەم كولەمى ءليفتى ورناتۋ ىسىنە جاۋاپتى «گوركومحوز مودەرنيزاتسيا جيليا» جشس مەن پاتەر يەلەرى اراسىنداعى كەلىسىمشارتقا بايلانىستى بەلگىلەنەدى.
بۇل كەلىسىمشارت 25 جىلعا دەيىنگى مەرزىمگە جاسالۋى مۇمكىن. سونىمەن قاتار پاتەردىڭ اۋماعى ەسكەرىلەدى.
ءبىر جەدەلساتىنى ورناتۋ ءۇشىن شامامەن 9 ميلليون تەڭگە كەرەك. اي سايىنعى تولەم 1800-2500 تەڭگەنى قۇرايدى. بۇل سوما كوممۋنالدىق قىزمەتتەر تۇبىرتەگىندە كورسەتىلەدى. قاۋىپسىز ءارى قولايلى جاڭا ءليفتىنى قولدانۋ تۇرعىندار ءۇشىن قاجەت.
