ايماقتار • 29 جەلتوقسان، 2019

باياناۋىلدا قۇماي تازىلار كورمەسى ءوتتى

50 رەت كورسەتىلدى

اۋداندىق دەنە تاربيەسى، سپورت جانە تۋريزم ءبولىمىنىڭ باستاماسىمەن وتكەن قىزىقتى كورمەگە 28 قۇماي تازى قاتىستى.

سۋرەتتى تۇسىرگەن: بەرىك الماحان

ءبولىم ماماندارىنىڭ ايتۋىنشا، كورمە قازاقى قۇماي تازىلاردى تانىستىرۋ، ۇلتتىق قۇندىلىقتاردى دارىپتەۋ، قۇماي تازىلاردى قۇجاتتاندىرۋ ءۇردىسىن جۇزەگە اسىرۋ ماقساتىندا ۇيىمداستىرىلعان.

تازىلاردى ساراپتاۋدان وتكىزۋگە حالىقارالىق جانە ۇلتتىق دەڭگەيدەگى ساراپشى، نۇر-سۇلتان قالاسىنداعى «ايماقارالىق كينولوگيالىق ورتالىق» رەسپۋبليكالىق قوعامدىق بىرلەستىگىنىڭ پرەزيدەنتى، تورەشى نينا ماكاروۆا كەلدى.

ياعني، قۇماي تازىلار باسىنىڭ، تۇمسىعىنىڭ، باس سۇيەگىنىڭ كولەمى، قۇلاعى مەن جاعىنىڭ، قۇيرىعىنىڭ ۇزىندىعى، بويىنىڭ بيىكتىگى، كەۋدە، بەل جانە جاۋىرىن ولشەمى، اياقتارىنىڭ اراقاشىقتىعى سەكىلدى بىرنەشە تالاپتار بويىنشا تولىق تەكسەرىلدى.

كورمە ناتيجەسىندە بارلىق قۇماي تازىلارعا «قانسونار» اڭشىلاردىڭ قوعامدىق بىرلەستىكتەرى مەن رەسپۋبليكالىق قاۋىمداستىعى مەن «جەتى قازىنا» ۇلتتىق يت تۇقىمدارىن قايتا جانداندىرۋ ورتالىعىنىڭ ديپلومدارى تابىستالدى.

اتالعان ديپلومدارمەن يت يەلەرى «قانسونار» اڭشىلاردىڭ قوعامدىق بىرلەستىكتەرىنە بارىپ، ءيتتىڭ رەسمي قۇجاتىن الادى. بۇل قۇجات ءيتتىڭ زاڭدى تىركەلگەنىن، ونىڭ «قاڭعىباس يتتەر» قاتارىنان ەمەستىگىن دالەلدەيدى.

كورمەنىڭ ەڭ جاس قاتىسۋشىلارى – ەگىندىبۇلاق اۋىلى مەكتەبىنىڭ 9-سىنىپ وقۋشىسى رينات تيماش پەن باياناۋىل اۋىلى №2 مەكتەبىنىڭ 7-سىنىپ وقۋشىسى ادىلبەك ومىربەك.

رينات بالا جاسىنان باۋلىپ، وسىرگەن «لاشىن» اتتى ءيتىن الىپ كەلسە، ادىلبەك «تۇيعىن» اتتى كۇشىگىن ساراپشىلار نازارىنا ۇسىندى.

بالالاردىڭ يتتەرى كينولوگ مامانداردىڭ جوعارى باعاسىنا يە بولدى.

-قازاقتىڭ قۇماي تازىسىنىڭ ءوز ەرەكشەلىگى بار. تازى وسىرۋمەن اينالىسۋشىلارعا ايتارىم – يتتەردىڭ بۇل ءتۇرىن وزگە تۇقىم-دارمەن ارالاستىرماۋ كەرەك. بۋدانداستىرۋ دۇرىس ەمەس. كەلەسى جىلدان باستاپ ارنايى زەرتحانا اشىلىپ، يتتەردى تەستىلەيدى. سوندا قانى قانشالىقتى تازا ەكەنىن انىقتالادى. قازىر الەمدە  تازىنى رەسمي تۇردە قازاقتىڭ ۇلتتىق يت تۇقىمى دەپ تانىپ، قازاق برەندى رەتىندە مويىندادى، دەيدى نينا ماكاروۆا. 

سوڭعى جاڭالىقتار

ارالدا اداسقان اڭشى تابىلدى

ايماقتار • بۇگىن، 14:10

«بارىس» تاعى جەڭىلدى

حوككەي • بۇگىن، 08:29

كۋكۋشكين – كەلەسى كەزەڭدە

تەننيس • بۇگىن، 08:16

بيزنەستىڭ ءساتتى باستاۋى

بيزنەس • بۇگىن، 08:09

ۇقساس جاڭالىقتار