ءبىرىنشى كەزەڭدە گول سوعىلمادى. ۇزىلىستەن كەيىن سلوۆاكيالىقتار العا شىقتى. ءۇشىنشى كەزەڭنىڭ سوڭىندا جەرلەستەرىمىز تارازى باسىن تەڭەستىردى. گولدىڭ اۆتورى – ماكسيم مۋسوروۆ. ءدال وسى ويىنشى العاشقى ماتچتا دۋبل اۆتورى اتانعان بولاتىن. نەگىزگى ۋاقىت تەڭ اياقتالعاننان كەيىن ويىن وۆەرتايمعا ۇلاستى. بۇل رەتتە سلوۆاكيا قۇراماسىنىڭ باعى جاندى. ەسەپ – 2:1.
ەستەرىڭىزگە سالا كەتەيىك, ايتۋلى جارىستىڭ تۇساۋكەسەر كەزدەسۋىندە قازاقستاننىڭ حوككەيشىلەرى شۆەيتساريا قۇراماسىنان 3:5 ەسەبىمەن ۇتىلعان بولاتىن. الداعى كۇندەرى وتانداستارىمىز فينليانديا مەن شۆەتسيا حوككەيشىلەرىمەن شەبەرلىك بايقاسادى.
