تەلەمارافون الماتى قالاسى ماڭىندا ۇشاق اپاتىنان قازا تاپقاندار رۋحىنا ارنالعان ءبىر مينۋتتىق ۇنسىزدىك راسىمىنەن باستالدى.
جىل باسىندا كوپبالالى جانە از قامتىلعان وتباسىلارعا قوسىمشا كومەك كورسەتۋدى ۇيىمداستىرۋ ءۇشىن 2019-2021 جىلدارعا ارنالعان وڭىرلىك الەۋمەتتىك جول كارتاسى قابىلدانعان. وندا تابىستى ارتتىرۋ جانە حالىقتىڭ از قامتىلعان توپتارىن قولداۋ, تابىسى تومەن ازاماتتاردىڭ باسپانا ماسەلەسىن شەشۋ جانە ءبىلىم بەرۋ مەن دەنساۋلىق ساقتاۋ سالالارىن جاقسارتۋ, سونداي-اق, وڭىرلەردى كەشەندى دامىتۋ باعىتىنداعى اۋقىمدى ءىس-شارالاردى جۇزەگە اسىرۋ شارالارى كوزدەلىپ وتىر. ول ءۇشىن بيۋدجەتتەن 42 ملرد تەڭگەدەن استام قاراجات بولىنگەن. ونىڭ ىشىندە اتاۋلى الەۋمەتتىك كومەكتىڭ مولشەرى ۇلعايتىلىپ, بارلىعى 31 مىڭنان استام وتباسىنا 20 ملرد تەڭگەگە جۋىق كومەك كورسەتىلدى.
وسى باعىتتاعى باسقا دا باستامالاردى ايتىپ وتكەن ايماق باسشىسى وسى قايىرىمدىلىق شاراسىنىڭ ماڭىزدىلىعىنا ايرىقشا توقتالدى.
– مەيىرىمدىلىك – ىزگىلىكتىڭ جولى. رياسىز جاسالعان جاقسىلىق – بيىك ادامگەرشىلىكتىڭ بەلگىسى. بۇگىنگى شارا اياسىندا جومارت جۇرەك ازاماتتاردىڭ تىكەلەي قولداۋىمەن قالا بويىنشا الەۋمەتتىك جاعىنان از قامتىلعاندارعا, اسىراۋشىسىنان ايرىلعان جاندارعا, قارتتار مەن اتا-انا قامقورلىعىنسىز قالعان بالالارعا, كوپبالالى, تۇرمىسى تومەن وتباسىلارعا ازىق-ت ۇلىك تۇرىندە كومەك كورسەتىلدى. مەملەكەتتىك قىزمەتكەرلەر مەن جەكەلەگەن ازاماتتار وزدەرىنىڭ ءبىر كۇندىك جالاقىسىن اۋدارىپ, 4 ملن تەڭگەدەن اسا قارجىلاي كومەك بەردى. 2013 جىلدان بەرى كوپبالالى جانە از قامتىلعان وتباسىلاردىڭ بالالارىن, اسىرەسە, اۋىلدىق جەردەن شىققان تالاپتى تۇلەكتەردى وقىتۋعا وبلىس اكىمىنىڭ ارنايى گرانتىن تاعايىنداپ كەلەمىز, بۇگىنگى كۇنى مىڭنان اسا مەكتەپ تۇلەگى گرانت يەگەرى اتاندى. اپاتتى جاعدايداعى ۇيلەر مەن جاتاقحانالاردا تۇرىپ كەلگەن وتباسىلاردى جاڭادان سالعان ۇيلەرگە قونىستاندىرۋ ۇردىسىمىزگە اينالدى. قىزىلوردا وبلىسى الەۋمەتتىك سالاعا قارجى بولۋدەن ايماقتار اراسىندا كوش باستاپ تۇر,- دەدى وبلىس اكىمى ق.ىسقاقوۆ.
ايتا كەتۋ كەرەك, وسىنداي قايىرىمدىلىق شارالارى جىل كولەمىندە ۇزدىكسىز ۇيىمداستىرىلىپ كەلەدى. سونىن ىشىندە وسى جەلتوقسان ايىندا اتاۋلى مەرەكەلەرگە وراي الەۋمەتتىك وسال توپتاعى وتباسىلارعا كومەك كورسەتىلدى.
