بۇرناعى كۇنى شىعىس قازاقستان وبلىسىندا بۇرشاق ارالاس نوسەر جاۋىپ, قۇيىن وينادى. بۇل تۋرالى Altaynews.kz ءتىلشىسى حابارلادى.
جەكسەنبىنىڭ تاڭى وسكەمەندە تامىلجىپ اتتى. اۋا رايىنىڭ كىلت وزگەرىپ, ءب ۇلىنىپ كەتەتىن نىشانى بايقالعان جوق. كەنەت تۇسكە قاراي بىردەن جەر-دۇنيە الامان تاسىرعا اينالىپ سالا بەردى. الدىمەن جەلكىلدەتىپ داۋىل تۇردى. ونىڭ ەكپىنىنەن اعاشتار مايىسىپ, جەرمەن-جەكسەن بولا جازدادى. ارتىنشا شەلەكتەپ قۇيعان جاڭبىر سالدەن كەيىن كوشە بويلارىمەن جۇگىرە اقتى. جوڭكىلگەن سۋ لەزدە تابانجولداردى تولتىرىپ, كوشەنىڭ ورتاسىنا شىعىپ كەتتى. وسى شامادا قالانىڭ كەيبىر مۇيىستەرىندە بۇرشاق جاۋا باستادى.
كورگەندەردىڭ ايتۋلارىنشا, وبلىستاعى ەڭ ءبىر توتەنشە جاعداي سول كەزدەرى وسكەمەن-سەمەي تاس جولىنىڭ بويىندا ورىن الىپتى. ال ۋكراينكا دەپ اتالاتىن سەلونىڭ اۋماعىندا ناعىز داۋىل تۇرعان. مىنە, وسى كورىنىستەردى ەرسۇلتان قۇسايىنوۆ دەگەن ازامات كامەراعا ءتۇسىرىپ الىپ, يۋتۋبقا سالىپتى. ءبىز تومەندە سونى نازارلارىڭىزعا ۇسىنىپ وتىرمىز.
سۇلتان بوزايعىر.
{youtube}ZBfS3zV-ACY{/youtube}
