2019 جىلدىڭ كۇز ايلارىنان بەرى وبلىستا دياگنوزى ازىرگە بەلگىسىز اۋرۋمەن 1139 تۇيە اۋىرعان, 1112 تۇيە ەمدەلىپ ساۋىققان, 27 باس تۇيەگە قازىر ۆەتەريناريالىق كومەك كورسەتىلۋدە. ايتا كەتەيىك, ءىرى قارانىڭ ءولىمى تىركەلگەن جوق.
-جۇقپالى اۋرۋدان تۇيەنىڭ اۋىز قۋىسى, ەرىندەرى مەن مۇرىنى قابىنىپ, مالدىڭ ءشوپ جەۋى, سۋ ءىشۋى قيىنداپ, مال جۇدەگەن. انتيبيوتيكتەرمەن ۋاقتىلى ەمدەلگەن تۇيەلەر 1 اپتانىڭ ىشىندە تولىقتاي ساۋىعىپ كەتەدى, دەيدى اۋىل شارۋاشىلىق مينيسترلىگى ۆەتەريناريالىق باقىلاۋ جانە قاداعالاۋ كوميتەتىنىڭ ماڭعىستاۋ وبلىستىق اۋماقتىق ينسپەكتسياسىنىڭ باسشىسى قۋانىشكەرەي مىرزاتوۆ.
جۇقپالى اۋرۋدىڭ دياگنوزى ۆەتەريناريالىق دياگنوستيكالىق زەرتحانانىڭ قورىتىندىسى نەگىزىندە عانا بەلگىلى بولادى. اۋىل شارۋاشىلىعى مينيسترلىگىنە قاراسى دياگنوستيكالىق ورتالىققا بارلىعى 70 باستاي تۇيەدەن سىنامالار الىنىپ, تەسكەرۋدەن وتكىزىلگەن. وبلىسقا 3 رەت ورتالىقتىڭ ەكسپەرت ماماندارى شاقىرتىلىپ, مونيتورينگ جۇرگىزىلگەن. دياگنوستيكالىق مەكەمەلەردىڭ قورىتىندىلارىنا سايكەس, زەرتتەلگەن تۇيەلەردە اسا قاۋىپى اۋرۋلار انىقتالماعان.
جەلتوقسان ايىنىڭ باسىندا 12 تۇيەدەن الىنعان ماتەريالدار ەلىمىزدىڭ 3 ءتۇرلى تاۋەلسىز ۆەتەريناريالىق عىلىمي-زەرتتەۋ ينستيتۋتتارىنا جولدانعان. ۆيرۋسولوگيالىق زەرتتەۋلەر قورىتىندىسى ازىرگە شىققان جوق, جاقىن ارالىقتا بولادى دەپ كۇتىلۋدە. ەگەر اسا قاۋىپتى جۇقپالى اۋرۋلار انىقتالاتىن بولسا, ۆەتەريناريا سالاسىنداعى زاڭنامالارىنا سايكەس, اۋرۋدى جويۋ جۇمىستارى جۇرگىزىلەتىن بولادى.
تۇيە اۋرۋىنا بايلانىستى جاعداي تۋرالى ۇكىمەت باسشىسى حاباردار ەتىلدى, وبلىس اكىمىنىڭ اتىنان پرەمەر-منيسترگە حات جولدانىپ, اۋىل شارۋاشىلىعى مينيسترلىگىنە شۇعىل شارالار قابىلداۋ تۋرالى تاپسىرما بەرۋ سۇرالعان.
