ماڭعىستاۋ وبلىسى پوليتسيا دەپارتامەنتىنىڭ جەرگىلىكتى پوليتسيا قىزمەتىنىڭ باسشىسى ماديار وماروۆتىڭ مالىمەتىنە سۇيەنسەك, وبلىس اۋماعىندا جول كولىك وقيعالارىنىڭ 17,7%-عا تومەندەۋى بايقالۋدا (2018 جىلدىڭ 12 ايىندا – 320, 2019 جىلدىڭ 11 ايىندا – 273), سونداي-اق, دەنە جاراقاتىن العان ادامداردىڭ سانى 3,5% (404-تەن 390-عا) جانە قازا بولعانداردىڭ سانى 13,3% (83-تەن 72-كە) ازايعان.
وسى جىلى جىلدامدىق رەجيمىن بۇزۋ جانە قارسى قوزعالىس جولاعىنا شىعۋعا قاتىستى 40 فاكتى, جاياۋ جۇرگىنشىلەرگە قوزعالىس كەزىندە ارتىقشىلىق بەرمەۋگە قاتىستى 174 فاكتى, ماس كۇيىندە كولىك قۇرالىن باسقارۋعا قاتىستى 15 فاكتى, ءۇي جانۋارلارىنا قاقتىعىسۋىمەن بولعان 25 فاكتى تىركەلگەن.
-جول قوزعالىسى قاۋىپسىزدىگىنە بىرقاتار فاكتورلار اسەر ەتەدى, ونىڭ ىشىندە اۆتوپاركتىڭ ءوسۋى, جولداردىڭ جاعدايى, ەلدى مەكەندەر جولدارىنىڭ جارىق شامدارىمەن تولىق قامتاماسىز ەتىلمەۋى, كولىكتەگى قۇقىق بۇزۋشىلىقتاردى الدىن الۋدىڭ السىزدىگى. وسى جانە وزگە دە ماسەلەلەردى شەشۋ ماقساتىندا جەرگىلىكتى اتقارۋشى جانە ۋاكىلەتتى مەملەكەتتىك ورگاندارعا وسى باعىتتاعى جۇمىستاردى جانداندىرۋ جانە قاجەتتى شارالار قابىلداۋ جونىندە ۇسىنىستار بەرىلدى, دەدى ماڭعىستاۋ وبلىسى پروكۋرورىنىڭ ورىنباسارى ەرجان تۇرماعامبەتوۆ.
ەسكە سالا كەتەيىك, قاراشا ايىنداعى ءماجىلىس وتىرىسىندا باس پروكۋراتۋرانىڭ ءىىم-مەن بىرلەسە زاڭ جوباسى ءبىرىنشى وقىلىمدا ماقۇلدانعان بولاتىن. قۇجاتقا سايكەس, ماس كۇيىندە كولىك جۇرگىزگەنى ءۇشىن كولىك جۇرگىزۋ قۇقىعىنان ءومىر بويىنا ايىرىلۋى مۇمكىن.
