2018 جىلى «پەستيتسيدى» جشس-ءى قازاقستان اۋماعىنا ۇلكەن كولەمدە «يمپەراتور 20% ۆ.ك.» (يميداكلوپريد, 200 گ/ل) پەستيتسيدىن كىرگىزگەن. شەگىرتكەگە قارسى كۇرەسۋ ءۇشىن پايدالانىلاتىن پرەپاراتتىڭ تىركەۋشىسى (يەسى) «شانحاي ميو كەميكال كو., لتد.», قحر بولىپ تابىلادى.
رەسپۋبليكانىڭ وڭتۇستىك ايماقتارىندا «ماروككو» شەگىرتكەسىنە قارسى حيميالىق كۇرەس جۇرگىزۋ كەزىندە «يمپەراتور, 20% ۆ.ك.» پەستيتسيدى فيتوسانيتاريالىق قاۋىپسىزدىكتى قامتاماسىز ەتۋگە قويىلاتىن تالاپتارعا سايكەس كەلمەيتىنى, ونىڭ بيولوگيالىق تيىمدىلىگى تومەن (30% - دان كەم) ەكەنىن كورسەتتى.
اتالمىش حيميالىق ءونىمدى الداعى ۋاقىتتا پايدالانۋ 1,054 ملن. گا جەردە شەگىرتكەگە قارسى كۇرەس شارالارىنىڭ ءتيىمسىز بولۋىنا الىپ كەلۋى مۇمكىن. مۇنداي جاعدايلاردا «وسىمدىكتەردى قورعاۋ تۋرالى» زاڭدا «پەستيتسيدتى» مەملەكەتتىك تىركەۋ كۋالىگىنەن ايىرۋ (قايتارىپ الۋ) قاراستىرىلعان.
وسىعان بايلانىستى, اشم اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ № 333-ن بۇيرىعىمەن 2019 جىلدىڭ 12 جەلتوقسانىنان باستاپ «يمپەراتور, 20% ۆ.ك.» پەستيتسيدىن مەرزىمىنەن بۇرىن تىركەۋ كۋالىگىن كەرى قايتارىپ الىپ, اتالمىش حيميالىق پرەپاراتتى مەملەكەتتىك تىركەۋدەن وتكىزۋگە تيىم سالدى.
