«Bek Air» اۋەكومپانياسىنىڭ «الماتى - نۇر-سۇلتان» باعىتى بويىنشا ۇشۋ كەزىندە بيىكتىكتەن ايىرىلىپ, بەتوندى قورشاۋدى سىندىرعان. ەكى قاباتتى قۇرىلىسپەن سوقتىعىسقان ۇشاق وقيعا ورنىندا ورتەنگەن جوق.
مەملەكەت باسشىسى ق-ج.توقاەۆ قازا تاپقان ازاماتتاردىڭ تۋعان-تۋىستارى مەن جاقىندارىنا كوڭىل ايتتى جانە زارداپ شەككەندەردىڭ بارلىعىنا كومەك كورسەتىلەتىنىنە سەندىردى. سونىمەن قاتار, پرەزيدەنتتىڭ ايتۋىنشا, بارلىق كىنالىلەر زاڭعا سايكەس قاتاڭ جازاعا تارتىلادى.
الدىن الا مالىمەتتەر بويىنشا, اۋە بورتىندا 95 جولاۋشى, 5 ەكيپاج مۇشەسى بولعان. ساعات 11.00-دەگى جاعداي بويىنشا اۋە اپاتىنان 14 ادام قازا تاۋىپ, قيراعان ۇشاقتىڭ 24 جولاۋشىسى اۋرۋحاناعا جەتكىزىلدى. اۆاريالىق-قۇتقارۋ جۇمىستارى اياقتالعاننان كەيىن قازا بولعاندار مەن ءتىرى قالعانداردىڭ سانى تۋرالى ناقتى دەرەكتەر ايتىلادى.
پرەمەر-ءمينيستردىڭ تاپسىرماسى بويىنشا پرەمەر-ءمينيستردىڭ ورىنباسارى باستاعان ۇكىمەتتىك كوميسسيا قۇرىلدى. ونىڭ قۇرامىنا يندۋستريا جانە ينفراقۇرىلىمدىق دامۋ ءمينيسترى جانە باسقا دا مەملەكەتتىك ورگانداردىڭ وكىلدەرى كىردى. كوميسسيا وقيعا ورنىنا ۇشىپ شىعادى.
وقيعا ورنىندا قۇتقارۋشىلار, مەديتسينالىق قىزمەتتەر جانە قۇقىق قورعاۋ ورگاندارىنىڭ قىزمەتكەرلەرى جۇمىس ىستەۋدە. سونىمەن قاتار جەدەل-تەرگەۋ توبى جۇمىس جۇرگىزۋدە. بارلىعى 976 ادام جانە 70 بىرلىك تەحنيكا, 33 جەدەل مەديتسينالىق جاردەم بريگاداسى جۇمىلدىرىلدى. وقيعانىڭ ەگجەي-تەگجەيلى جاعدايلارى مەن سەبەپتەرى انىقتالادى.
وقيعا ءمان-جايىن انىقتاعانعا دەيىن وسى ۇلگىدەگى ۇشاقتاردىڭ ۇشۋى ۋاقىتشا توقتاتىلدى.
جەدەل شتاب قۇرىلدى.
جەدەل جەلى نومەرلەرى: 8 (7172)53-32-84.
الماتى وبلىسى تجد 8 (7282) 22-02-13, 22-02-18.
نۇر-سۇلتان 8 (7172) 24-52-12, 24- 51-71, 24- 51- 47
