ترشينەتسە قالاسىندا وتكەن باسەكەنى جەرلەستەرىمىز جاپ-جاقسى باستاعان ەدى. العاشقى ەكى كەزەڭنىڭ ناتيجەسى بويىنشا شۆەيتساريالىقتار ەكى مارتە العا شىققانىمەن, ءبىزدىڭ جىگىتتەر ەسەپتى تەڭەستىردى. وسىلايشا, ۇزاققا دەيىن تارازى باسى تەڭسەلىپ تۇردى. الايدا سوڭعى كەزەڭدە قارسىلاستار كومانداسى ەكى رەت نىسانانى ءدال كوزدەپ, جەڭىسكە جەتتى. ەسەپ – 5:3. قازاقستان قۇراماسى ساپىندا ماكسيم مۋسوروۆ دۋبل اۆتورى اتانسا, رۋسلان دەمين ءبىر گول سوقتى.
جەرلەستەرىمىز بۇگىن سلوۆاكيا قۇراماسىمەن كۇش سىناسادى. ودان كەيىنگى كۇندەرى فينليانديا مەن شۆەتسيا حوككەيشىلەرىمەن شەبەرلىك بايقاسامىز.
ال «ۆ» توبىنداعى باسەكەلەر اقش, رەسەي, كانادا, چەحيا جانە گەرمانيا كوماندالارى اراسىندا وتەدى. شيرەك فينالعا جولداما العان قۇرامالار جارىستى جاڭا جىلدان كەيىن جالعاستىرسا, جۇلدەگەرلەر مەن جەڭىمپازدار 5 قاڭتاردا انىقتالادى.
