«ANTIKOR ORTALYGY» - مەملەكەتتىك ورگانداردىڭ ازاماتتارعا اشىقتىعىن, قولجەتىمدىلىگىن ارتتىرۋعا باعىتتالعان قادامنىڭ ءبىرى. ورتالىقتا ازاماتتار وزدەرىن مازالاعان ماسەلەلەر بويىنشا قۇقىقتىق كومەك پەن كەڭەس الادى. جاڭا نىسان ازاماتتىق باستامالاردىڭ ديالوگ الاڭىنا اينالادى.
ورتالىقتىڭ اشىلۋ سالتاناتىنا قاتىسقان وبلىس اكىمى ماحامبەت دوسمۇحامبەتوۆ كەز كەلگەن وركەنيەتتى جانە قۇقىقتىق مەملەكەت ءۇشىن سىبايلاس جەمقورلىقپەن كۇرەس ماڭىزدى ماسەلە ەكەنىن اتاپ ءوتتى. سىبايلاس جەمقورلىق ۋاقىتپەن بىرگە بىتە قايناسىپ, تامىرىن تەرەڭگە جايىپ, ەكونوميكا مەن قوعامنىڭ ءارتۇرلى سالالارىندا بوي كورسەتىپ وتىر جانە بۇل قوعام دەرتى ءالى كۇنگە تۇبەگەيلى جويىلمادى.
سىبايلاس جەمقورلىق مەملەكەتتىڭ دامۋىنا توسقاۋىل قويادى, ەلدىڭ باستى قاعيداسى - زاڭنىڭ ساقتالۋىنا كەرى اسەر ەتەدى. جەمقورلىق دەرەكتەرىمەن ەمەس, سەبەپتەرىمەن كۇرەستە وبلىستاعى مەملەكەتتىك ورگاندار بىرنەشە قوعامدىق باستامالاردى ەنگىزىپ, ىسكە اسىرۋدا. اتىراۋ وبلىسى اكىمدىگى مەن سىبايلاس جەمقورلىققا قارسى ءىس-قيمىل اگەنتتىگىنىڭ دەپارتامەنتى اراسىندا كەلىسىمگە قول قويىلىپ, 2018 جىلى جەلتوقساندا «اتىراۋ – ادالدىق الاڭى» جوبالىق كەڭسەسى اشىلدى, دەدى وبلىس اكىمى.
كەڭسەنىڭ ماقساتى – سىبايلاس جەمقورلىق دەڭگەيىن تومەندەتۋ, ازاماتتاردىڭ مەملەكەتتىك بيلىككە دەگەن سەنىمىن ارتتىرۋ.
كەڭسە تۇرمىستىق سىبايلاس جەمقورلىقتىڭ الدىن الۋ, ازاماتتارعا قولايلى ورتا قالىپتاستىرۋ, قوعامدىق باقىلاۋدى جۇزەگە اسىرۋ, جەمقورلىققا قارسى مادەنيەت قالىپتاستىرۋ باعىتىندا جۇمىس ىستەيدى. جىل باسىنان بەرى 205 شارا ۇيىمداستىرىلدى(كەزدەسۋلەر, مونيتورينگ, دوڭگەلەك ۇستەل, برەين-رينگ, فلەشموب, ت.ب).
ايماق باسشىسىنىڭ ايتۋىنشا, جەمقورلىقپەن كۇرەستى جەكە-دارا قاراستىرۋعا بولمايدى. سوندىقتان, پارا الۋ مەن بەرۋدى بولدىرماس ءۇشىن تۇتاس قوعام بولىپ جۇمىلۋ كەرەك.
«اتىراۋ – ادالدىق الاڭى» جوبالىق كەڭسەسى ايماقتا بىرقاتار شارالار اتقاردى. ازاماتتاردا ادالدىق مادەنيەتىن قالىپتاستىرۋ ءۇشىن ارنايى مونيتورينگتىك توپتاردىڭ قۇرىلۋى تيىمدىلىگىن كورسەتتى. جوبا اياسىندا ينۆەستورلاردى سىبايلاس جەمقورلىققا قارسى سۇيەمەلدەۋمەن 171,1 ملرد تەڭگەنىڭ 13 كەلىسىمىنە قول قويىلدى.
«سانالى ۇرپاق» جوباسى اياسىندا 3 جوعارى, 20 ارنايى وقۋ ورنىندا جوبالىق كەڭسە مەن ادالدىق دۇكەنى اشىلدى. 165 مەكتەپتە ادالدىق دۇكەنى اشىلدى. «ادال ۇرپاق» ەرىكتىلەر كلۋبى قۇرىلدى, ونىڭ قۇرامىندا جوو مەن كوللەدجدەردىڭ 345 ستۋدەنتى بار. سونداي-اق, ەلىمىزدە العاش رەت
«اتىراۋ-ادالدىق الاڭى» جوبالىق كەڭسەسى اياسىندا «كىتاپ - ادالدىق كىلتى» جوباسى جۇمىسىن باستادى. «اشىق بيۋدجەتتىڭ ينتەراكتيۆتى كارتاسى» جوباسى شەڭبەرىندە «پابليك بيۋدجەت» سايتىنا وبلىستاعى 604 مەملەكەتتىك ورگان مەن مەكەمە ەنگىزىلدى, ونىڭ 353-ءى بيۋدجەتىن جاريالادى.
قر سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ وبلىس اكىمىنە اتقارعان جۇمىستارى ءۇشىن العىس ايتىپ, ادالدىق, ادىلدىك پەن سەنىم سىبايلاس جەمقورلىقپەن كۇرەستە نەگىزگى باسىمدىقتار ەكەنىن اتاپ ءوتتى.
-ءبىز اشىق, كاسىبي, ءتيىمدى ورگان بولىپ, ازاماتتار مەن ازاماتتىق ينستيتۋتتاردى سىبايلاس جەمقورلىقتان قورعاۋ ءۇشىن جۇمىس ىستەيمىز,-دەدى اليك شپەكباەۆ.
شپەكباەۆ اتاپ وتكەندەي, بۇل جوبا ازاماتتارعا قۇقىقتىق كومەك پەن كەڭەس بەرۋدە اشىق قىزمەت كورسەتۋگە مۇمكىندىك بەرەدى.
-ايماقتا وراسان زور جۇمىس ىستەلگەنىن كورىپ وتىرمىز. مەملەكەتتىك ساياسات ازاماتتارعا قاجەت قىزمەتتەردى الۋعا, حالىقتىڭ ءال-اۋقاتىن جاقسارتۋعا مۇمكىندىك بەرەدى,-دەدى ا.شپەكباەۆ.
كەزدەسۋ سوڭىندا اليك شپەكباەۆ سىبايلاس جەمقورلىققا قارسى ءىس-قيمىل دەپارتامەنتىنىڭ 10 قىزمەتكەرىنە جاڭا پاتەر كىلتىن تابىستادى.
