جيىن سوڭىندا ۇستەل تەننيسىنەن حالىقارالىق تۋرنير ۇيىمداستىرىلىپ, ول سىندا ونەر كورسەتكەن قاراعاندىلىق سپورتشى الان قۇرمانعاليەۆ جەڭىمپاز اتاندى.
– نينبودا وقۋ-جاتتىعۋ جيىنى مەن تۋرنير جوعارى دەڭگەيدە ءوتتى. سپورت زالى تاماشا: 54 ۇستەلى بار, قىزىقتى ءارى پايدالى جاتتىعۋلار ۇيىمداستىرىلدى. مەنىمەن قۇرداس جانە مەنەن كىشى سپورتشىلار تاڭ قالدىردى. مىقتى جانە وتە ساۋاتتى وينايدى ەكەن, دەيدى جاس چەمپيون.
الان قۇرمانعاليەۆ قاراعاندى قالاسىنداعى ۇستەل تەننيسى بويىنشا بالالار مەن جاسوسپىرىمدەر وليمپيالىق رەزەرۆ مەكتەبىنىڭ تاربيەلەنۋشىسى. تاياۋدا حالىقارالىق ۇستەل تەننيسى فەدەراتسياسى قۇرلىقتىق, الەمدىك «Hopes Week» تۋرنيرلەرىنىڭ قورىتىندىسى بويىنشا سپورتشىنى «2019 جىلدىڭ ۇزدىك جاس تەننيسشىسى» دەپ تانىدى.
بيىلعى جىلدىڭ قازان ايىندا 12 جاستاعى الان قۇرمانعاليەۆ قازاقستان چەمپيوناتىندا سەنساتسيالىق جەڭىسكە جەتىپ, «سپورت شەبەرى» ءنورماتيۆىن ورىنداعان ەڭ جاس تەننيسشى اتانعان بولاتىن.
ايتا كەتۋ كەرەك, ەلىمىزدىڭ ۇستەل تەننيسى تاريحىندا مۇنداي وقيعا بۇرىن-سوڭدى بولىپ كورمەگەن.
