نار تۇلعا
كوك تەڭىزدەن نەسىبەسىن تەرىپ وسكەن ارال ماڭىنىڭ بالالارى ءۇشىن بالىقشىلىقتان ارتىق كاسىپ جوق. ول سۇراپىل داۋىلدا تولقىنمەن الىسادى, ۇشى-قيىرى جوق كوك ايدىنعا جۇرەكسىنبەي اتتانادى. ازاپتى ساپاردان ورالعان سوڭ ەندى قايتىپ سۋ كورمەي كەتەتىن شىعار دەيسىڭ. جوق, تاڭ الاگەۋىمنەن قارا قايىقتىڭ ازىناسىنا تاعى دا جايعاسادى. ونى ايتاسىڭ, اياداي اۋىلدا جاعالاۋدان بولىنگەن مۇز ۇستىندە ىقپاعان بالىقشى جوق. ارالدىڭ لەكسيكونىندا «تەڭىزگە ىقپاعان بالىقشى بالىقشى ما؟» دەگەن اتالى ءسوز بار. سوندىقتان ولار سەنىڭ كوز الدىڭدا ەرتەگىنىڭ قاس باتىرلارىنداي بولىپ ەلەستەيدى.
نار تۇلعا
كوك تەڭىزدەن نەسىبەسىن تەرىپ وسكەن ارال ماڭىنىڭ بالالارى ءۇشىن بالىقشىلىقتان ارتىق كاسىپ جوق. ول سۇراپىل داۋىلدا تولقىنمەن الىسادى, ۇشى-قيىرى جوق كوك ايدىنعا جۇرەكسىنبەي اتتانادى. ازاپتى ساپاردان ورالعان سوڭ ەندى قايتىپ سۋ كورمەي كەتەتىن شىعار دەيسىڭ. جوق, تاڭ الاگەۋىمنەن قارا قايىقتىڭ ازىناسىنا تاعى دا جايعاسادى. ونى ايتاسىڭ, اياداي اۋىلدا جاعالاۋدان بولىنگەن مۇز ۇستىندە ىقپاعان بالىقشى جوق. ارالدىڭ لەكسيكونىندا «تەڭىزگە ىقپاعان بالىقشى بالىقشى ما؟» دەگەن اتالى ءسوز بار. سوندىقتان ولار سەنىڭ كوز الدىڭدا ەرتەگىنىڭ قاس باتىرلارىنداي بولىپ ەلەستەيدى.
بىراق بالىقشىنىڭ دا بالىقشىسى بار. ولاردىڭ دا قاتارلىسى مەن قاھارلىسى, باتىلى مەن جاسىعى جەتىپ ارتىلادى. ايدىندى ارالدىڭ بۇكىل بالىقشىسى بەدەلسىز بولعان جوق. الايدا, سولاردىڭ ىشىندە ەسىمى ەلگە كەڭ تانىلعان مايتالمان ءۇش بالىقشىنىڭ تۇلعاسى ايرىقشا دارالانىپ تۇراتىن. ولار – كەڭەستىك جۇيەنىڭ بۇكىل وردەن-مەدالىن بالىقشا ءسۇزىپ العان بوگەندىك باپان كەمالوۆ, رەسپۋبليكانىڭ جوعارعى كەڭەسىنىڭ ەكى مارتە دەپۋتاتى بولعان قاراتەرەڭدىك دۇيسەنبى قالاباەۆ, قازاقستاننىڭ مەملەكەتتىك سىيلىعىنىڭ لاۋرەاتى, اقەسپەلىك نارعالي دەمەۋوۆ ەدى. وسى ۇشەۋى ارال ماڭىنداعى ءۇش اۋىلدىڭ – بوگەننىڭ, قاراتەرەڭنىڭ, اقەسپەنىڭ اتىن ەلگە كەڭىنەن تانىتتى.
بۇگىنگى ءبىزدىڭ اڭگىمەمىزدىڭ كەيىپكەرى بولىپ وتىرعان قارشاداي كەزىنەن ەڭبەك مايدانىندا كوزگە ءتۇسىپ, ناعىز قاس باتىرلارشا تەر توككەن, ارالدىڭ اتاقتى بالىقشىسى نارعالي دەمەۋوۆ – قاجىرلى ەڭبەك قاھارمانى.
كەشەگى ەكىنشى دۇنيەجۇزىلىك سوعىستىڭ زاردابىن ءاربىر قازاق وتباسى تارتقانى بەلگىلى. ون جاستان ون بىرگە قاراعان شاعىندا اكەسى دەمەۋ ەڭبەك ارمياسىنا الىنىپ, شاڭىراقتى اسىراۋ مىندەتى قارشاداي بالانىڭ موينىنا ارتىلادى. ەشكىمگە جالىنباي-اق اكەنىڭ اۋ-قۇرالىمەن ءبىر اسىم بالىق ءۇشىن العاشىندا اناسىمەن بىرگە, كەيىننەن جالعىز ءوزى تەڭىزگە شىعىپ, ءومىردىڭ اششى-تۇششىسىن تاتا باستايدى. العاشقى اۋعا تۇسكەن ءبىر اسىم بالىق ۇيدەگى اناسى مەن اش قۇرساق ءىنى-قارىنداستارىن اشتىقتان قۇتقارادى. سول كۇنى ول ءوزىن العاشقى جەكپە-جەكتە جاۋىن جەڭگەن باتىرداي سەزىنەدى. كوپ ۇزاماي بالىقشىلار بريگاداسىنا الىنىپ, مەملەكەتتىك تاپسىرمانى ورىنداۋعا كىرىسەدى. سول كەزدە ونىڭ جاسى بار بولعانى 13-تە بولاتىن. قاسىندا اقىلشى, كوپتى كورگەن, تاجىريبەلى بالىقشىلار بار ەدى. نارعالي اعامىز ولاردىڭ ايتقانىن ەكى ەتپەي ورىنداپ, بالىق اۋلاۋدىڭ قىرى مەن سىرىن ۇيرەنىپ, اقىل-كەڭەستەرىن قۇلاعىنا قۇيىپ, تاجىريبە جينايدى. ودان ءارى ىسىلا تۇسەدى.
ناعىز قاس باتىر قاي مايداندا دا بىردەن باتىر بولىپ كەتپەيدى. باتىر بولىپ بىرتە-بىرتە قالىپتاسادى. سوعىس جىلدارى تىلداعى ەڭبەك مايدانىنىڭ وتىن قىزدىرعان نارعالي اعامىزدىڭ ۇلى جەڭىسكە قوسقان ۇلەسى مول. سونىڭ ايعاعى رەتىندە وكىمەت ونى ون ءتورت جاسىندا «تىلداعى ەڭبەگى ءۇشىن» مەدالىمەن ماراپاتتادى. اتاقتى بالىقشىنىڭ بۇل مەدالى ونىڭ بولاشاق مەدالدارى مەن وردەندەرىنىڭ, اتاق پەن سىيلىقتارىنىڭ باستاماسى بولدى.
ارالدىڭ اقيىعى
بالا كەزىنەن وزىنە ارتىلعان جاۋاپكەرشىلىكتى جەتە سەزىنگەن ول ونى بۇكىل عۇمىر بويى تۋ ەتىپ ۇستادى. العاش رەت وعان ۇجىم مىناداي تاپسىرما جۇكتەيدى. ول كەزدە جاسى 13-تە ەدى. بالىقشىلار بريگاداسى اۋىلدان 35 شاقىرىم جەردە كۇندەلىكتى كاسىبىمەن اينالىسىپ جاتادى. ءبىر كۇنى بريگاديرى قۋاندىق ەشنيازوۆ قاتتى اۋىرىپ, ورنىنان تۇرا الماي جاتىپ قالادى. سوعىستىڭ كەزى. بالىقشىلار بريگاداسىندا مەدپۋنكت, دارىگەر دەگەندەر اتىمەن جوق. بالىق اۋلاۋدى توقتاتۋعا بولمايدى. ۇلكەندەر جاعى اقىلداسا كەلە بريگاديردى 35 شاقىرىم جەردەگى اۋىل مەدپ
