نيگەريانىڭ سولتۇستىگىندەگى چاد وزەنى جاعالاۋىندا ورنالاسقان باگا اۋىلىندا «بوكو حارام» تەرروريستىك ۇيىمىنىڭ سودىرلارى 20 بەيبىت تۇرعىندى اتىپ ولتىرگەن. بۇل تۋرالى نيگەريا باق وكىلدەرىنىڭ مالىمەتىنە سىلتەمە جاساعان يتار-تاسس حابارلادى.
اسكەري اقپارات كوزدەرىنىڭ مالىمەتىنە سۇيەنسەك, نيگەريانىڭ سولتۇستىك-شىعىسىندا پوليتسيا مەن اسكەريلەر لاڭكەستەرگە قارسى بىرلەسە ءىس-شارا وتكىزىپ, ناتيجەسىندە سودىرلار نەگىزگى بازالارىن تاستاپ, كامەرۋنمەن شەكارالاس جاتقان تاۋلى ايماقتارعا قاشۋعا ءماجبۇر بولعان. ول جەردە ولار قايتا توپتاسىپ, جاڭا شابۋىلدار دايىندايتىن كورىنەدى.
نيگەريا پرەزيدەنتى گۋدلاك دجوناتان 14 مامىر كۇنى بورنو, يوبە مەن اداماۆا شتاتتارىندا توتەنشە جاعداي ەنگىزدى. چاد كولىنىڭ جاعالاۋىندا ورنالاسقان شالعاي اۋدانداردى سودىرلاردان بوساتۋ ءۇشىن ارنايى وپەراتسيا جۇرگىزۋگە اسكەر جىبەرىلدى. حالىقتى قورقىتۋ مەن ءوز باقىلاۋلارىندا ۇستاۋ ماقساتىندا «بوكو حارام» سودىرلارى ءجيى-ءجيى بەيبىت نىساندارعا شابۋىلداۋدا. سوڭعى اي ىشىندە لاڭكەستەر ءتورت مەكتەپكە شابۋىل جاساپ, ونداعان وقۋشىعا اجال قۇشتىرعان.
ايدار ورىسباەۆ.
