اتالعان دەپارتامەنت باسشىسىنىڭ ورىنباسارى نۇركەن يسلاموۆتىڭ ايتۋىنشا, 2019 جىلى جامبىل وبلىسىنىڭ اۋماعىندا الەۋمەتتىك كومەك كورسەتۋ سالالارىندا سىبايلاس جەمقورلىق سيپاتىندا جاسالعان 5 قىلمىس تىركەلگەن. ال 2018 جىلى 4 كورسەتكىش تىركەلىپتى. «اتالعان سالالاردا شەنەۋنىكتەر تاراپىنان تاپسىرىلعان بوتەن م ۇلىكتى يەمدەنىپ الۋ نەمەسە تالان-تاراجعا سالۋ, لاۋازىمدىق وكىلەتتىكتەردى تەرىس پايدالانۋ, پارا الۋ سياقتى قىلمىستار كەڭىنەن تارالعان», دەيدى ول.
اتاپ ايتساق, دەپارتامەنتپەن بيىلعى جىلى جەدەل جولمەن جامبىل اۋدانى, كولقاينار اۋىلدىق وكرۋگى اكىمدىگىنىڭ لاۋازىمدى تۇلعالارى اتاۋلى الەۋمەتتىك كومەك الۋعا مۇقتاج ەمەس تۇلعالارعا بەلگىلى ءبىر سىياقىعا جالعان قۇجات جاساعان دەرەكتەرى انىقتالعان. پاراقورلىق ساناتتا قوزعالعان قىلمىستىق ءىس بويىنشا كەشەندى سوت-ساراپتاما تاعايىندالىپ, جان-جاقتى تەرگەپ-تەكسەرۋ امالدارى جۇرگىزىلۋدە. «بۇدان باسقا, تاراز قالاسى اكىمدىگىنىڭ جۇمىسپەن قامتۋ جانە الەۋمەتتىك باعدارلامالار ءبولىمىنىڭ باس مامانى ن.بيجانوۆ اتاۋلى الەۋمەتتىك كومەكتى الىپ بەرۋ جانە ءارى قاراي قامقورلىق جاساۋ ماقساتىندا ازاماتشا گ.ساليەۆادان ءبىر ايلىق جاردەماقى 103 000 تەڭگە, د.احمەتوۆادان ءبىر ايلىق جاردەماقى 96 000 تەڭگە پارا الۋ دەرەگىمەن قۇرىقتالىپ, جان-جاقتى تەرگەپ-تەكسەرۋ امالدارى جۇرگىزىلىپ, قازىرگى تاڭدا نەگىزىنەن قاراۋ ءۇشىن تاراز قالالىق №2 سوتىنا جولدانعان. سونىمەن قاتار, 2018 جىلى سارىسۋ اۋداندىق اكىمدىگىنىڭ جۇمىسپەن قامتۋ جانە الەۋمەتتىك باعدارلامالار ءبولىمىنىڭ باس مامانى ن.ايىمبەتوۆا كوپ بالالى انالارعا ارنالعان الەۋمەتتىك كومەك الۋعا كومەكتەسەمىن دەپ ءارى قاراي قامقورشىلىق جاساۋ ماقساتىندا ازاماتشا گ.ابدۋللاەۆا مەن گ.ابيشەۆالاردان 100 000 تەڭگە پارا الۋ دەرەگىمەن قۇرىقتالعان, جان-جاقتى تەرگەپ-تەكسەرۋ امالدارى جۇرگىزىلىپ, سارىسۋ اۋداندىق سوتىمەن ن.ايىمبەتوۆا كىنالى دەپ تانىلىپ,
2 000 000 تەڭگە ايىپپۇل جازاسىنا سوتتالدى. دەپارتامەنتتىڭ جەدەل قىزمەتكەرلەرىمەن جەدەل ىزدەستىرۋ ءىس-شارالارىن جۇرگىزۋ بارىسىندا ت.رىسقۇلوۆ اۋدانى اكىمدىگىنىڭ ءبىلىم ءبولىمىنىڭ باس مامانى, اۋداندىق قورعانشىلىق جانە قامقورشىلىق كەڭەسىنىڭ حاتشىسى ش.ماۋتباەۆ اتا-اناسىنىڭ قامقورلىعىنسىز قالعان بالاعا قورعانشىلىق بەلگىلەۋ جانە ونى ودان ءارى اسىراپ الۋ تۋرالى ماسەلەنى وڭ شەشۋگە جاردەم كورسەتۋگە ز.كادىروۆادان 350 000 تەڭگە پارا الۋ دەرەگىمەن قۇرىقتالعان, جان-جاقتى تەرگەپ تەكسەرۋ امالدارى جۇرگىزۋ ناتيجەسىندە سوتقا جولدانىپ, ت.رىسقۇلوۆ اۋداندىق سوتىنىڭ ۇكىمىمەن ش.ماۋتباەۆقا 3 جىل باس بوستاندىعىنان ايىرۋ جازاسى تاعايىندالعان», دەيدى دەپارتامەنت باسشىسىنىڭ ورىنباسارى.
