جاڭا نىساننىڭ جۇمىسىمەن تانىسقان ايماق باسشىسى قۇمار اقساقالوۆ كەلەسى جىلى وسىنداي ۇلگىدەگى 10 ءسۇت فەرماسىنىڭ قۇرىلىسى جۇرگىزىلەتىنىن جەتكىزدى.
«كاسىپورىننىڭ ىسكە قوسىلۋى ناتيجەسىندە اۋىل تۇرعىندارى تۇراقتى جۇمىسقا ورنالاستى. كوزىن تاپقانعا مال شارۋاشىلىعى –تابىستى سالا, ونىڭ ىشىندە ءسۇت وندىرىسىنەن پايدا مول. قىزىلجار– ءوزىن-ءوزى سۇتپەن تولىق قامتاماسىز ەتىپ وتىرعان ءوڭىر. ارتىلعانىن كورشى رەسەيدىڭ قالالارىنا جونەلتەدى. ەشقانداي قوسپاسى جوق تابيعي ونىمگە سۇرانىس جوعارى», دەدى ۇجىممەن كەزدەسۋدە قۇمار ىرگەباي ۇلى.
جىل وتكەن سايىن وبلىستا وسىنداي فەرمالالار سانى كوبەيىپ كەلەدى. اگروقۇرىلىم جەتەكشىلەرى مەملەكەتتەن جان-جاقتى قولداۋدى سەزىنگەننەن كەيىن بۇل سالاعا بەت بۇرا باستاعانى قۋانتادى. بيىل وبلىستا 3 زاماناۋي ءسۇت كەشەنىنىڭ ىسكە قوسىلۋى–سونىڭ ءبىر ايعاعى. سوڭعى 2 جىلدا 7 فەرما بوي كوتەرسە, 2020 جىلى تاعى 10 كەشەننىڭ قۇرىلىسى باستالماق.
زاگرادوۆكا ەلدى مەكەنىندە سونىمەن قاتار ءدامحانا, مەيمانحانا, شاشتاراز, بالالارعا ارنالعان ويىن الاڭى بار كەشەن اشىلدى. شيرەك عاسىرعا جۋىق قاڭىراپ بوس تۇرعان مادەنيەت ءۇيىن جەرگىلىكتى كاسىپكەرلەر كۇردەلى جوندەۋدەن وتكىزىپ, اۋىل تۇرعىندارىنا سىيعا تارتتى.
