مىسالعا, وتكەن 9 اي ارالىعىنداعى كورسەتكىش بويىنشا تەكسەرۋدەن وتكەن تۇرعىنداردىڭ 21,2 پروتسەنتىنەن ونكولوگيا دەرتىنىڭ العاشقى بەلگىلەرى انىقتالعان. ارعى جىلى بۇل كورسەتكىش تىركەلگەن ادامداردىڭ 20 پروتسەنتى شاماسىندا بولعان ەكەن. ال سىرقاتتىڭ III-IV ستادياسىنداعى ادامدار قاتارى اقسۋ اۋدانىندا 12,5 پروتسەنتتەن 28,6 پروتسەنتكە, كەربۇلاق اۋدانىندا 9,1 پروتسەنتتەن 22,2 پروتسەنتكە, ۇيعىر اۋدانىندا 30 پروتسەنتكە جانە جامبىل اۋدانىندا دا 16,3 پروتسەنتكە كوبەيسە, بۇرىن بۇل دەرت بەلگىلەرى تىركەلمەگەن بالقاش اۋدانىندا بىردەن 33,3 پروتسەنتكە ارتۋى بايقالدى.
-وبلىس ونكولوگتارىنىڭ جانقيارلىق جۇمىسىنىڭ ناتيجەسىندە اسقىنعان اۋرۋلاردان قايتىس بولاتىندار سانى ازايدى. وتكەن 9 ايدا 100 مىڭ تۇرعىنعا شاققاندا 57,4 جاعداي تىركەلدى, بۇرناعى جىلى بۇل كورسەتكىش 61,9 وقيعاعا دەيىن بولعان. اۋرۋدىڭ العاشقى بەلگىلەرىن انىقتاۋ بارىسىندا جەكەلەگەن اۋدانداردا قاۋىپ سەيىلدى. اقسۋ اۋدانىندا 13 پروتسەنتتەن 7,1 پروتسەنتكە دەيىن, ەسكەلدى اۋدانىندا 29 پروتسەنتتەن 11,1 پروتسەنتكە دەيىن ءى ستادياداعى ناۋقاس سانى تومەندەدى, دەيدى تالدىقورعان قالاسىنداعى وبلىستىق ونكولوگيا ديسپانسەرىنىڭ باس دارىگەرى دانيار ورالباەۆ.
