جوعارى جانە ورتا ارناۋلى وقۋ ورىندارىنىڭ ستۋدەنتتەرى, مەكتەپ وقۋشىلارى قاتىسقان بايقاۋ ماقساتى وڭىردەگى جاستار ساياساتىن دامىتۋعا باعىتتالعان جاڭا يدەيالار مەن جوبالاردى قولداۋ.
بايقاۋعا «قوعامدىق كەلىسىم» كمم ءبولىم باسشىسى ايبەك دايراباي, جاستار رەسۋرستىق ورتالىعى كمم ءبولىم باسشىسى المات سمايىلوۆ, قالالىق ىشكى ساياسات ءبولىمى, جاستار رەسۋرستىق ورتالىعىنىڭ مامانى مەدەت جورابەك قازىلىق ەتىپ, 15 جوبانىڭ ۇزدىگىن انىقتادى.
«بولاشاق» ۋنيۆەرسيتەتىنىڭ ستۋدەنتى نۇرداۋلەت دايىربەكتىڭ «IT ەرىكتىلىك. تسيفرلى قازاقستان بارلىعى ءۇشىن!» جوباسى ءبىرىنشى ورىنعا لايىق دەپ تانىلدى. قىزىلوردا قالاسىنداعى №8 پ.د. وسيپەنكو اتىنداعى ورتا مەكتەپ وقۋشىسى ارۋجان ءابدىرجان «ونلاين تىلدەر مەكتەبى» جوباسىمەن ەكىنشى ورىن السا, جالاعاش اۋدانىنان كەلگەن بايقاۋدىڭ ەڭ جاس قاتىسۋشىسى, ش.ەرماعامبەتوۆ اتىنداعى №264 ورتا مەكتەپ وقۋشىسى ەلدار ءمىناج «سىر بالىعىن قولدان ۇرىقتاندىرۋ» جوباسىمەن ءۇشىنشى ورىن يەلەنىپ, جەڭىمپازدارعا باعالى سىيلىق تابىستالدى.
