وسىلايشا الماتىدا «رۋحاني جاڭعىرۋ» باعدارلاماسى مەن بەس الەۋمەتتىك باستامانى ىلگەرىلەتۋدەگى شارالار جالعاسىن تاۋىپ وتىر. بۇل باستامالار قازاق مادەنيەتىن, تاريحىن, فيلوسوفياسىن, سالت-ءداستۇرى مەن ۇلتتىق قۇندىلىقتارىن ويىندارعا كىرگىزە وتىرىپ, جاستاردى ۇلتتىڭ رۋحاني بايلىعىنان ءنار الىپ, بولاشاقتا ەل تۇتقاسى بولار ۇرپاقتى سۋسىنداتىپ, ءوز حالقىن, ءوز مەملەكەتىن كوزدىڭ قاراشىعىنداي قورعايتىن, بويىندا ۇلتتىق ساناسى قالىپتاسقان تۇلعالاردى تاربيەلەپ شىعارۋدى كوزدەيدى.
سونىمەن ءارت ۇلى ەتنوستىق توپتار وكىلدەرىنىڭ قازاقتاردىڭ تاريحى, داستۇرلەرى, مادەنيەتى, ءدىنى, رۋحاني ورتالىقتارى, فيلوسوفياسى, ادەبيەتى, ونەرى, تۇرمىسى جانە وي-ساناسى تۋرالى نەعۇرلىم تولىق ءبىلىم الۋ جۇيەسىن قالىپتاستىرۋدى ماقسات ەتكەن شاراعا الماتى قالاسىنىڭ جاستارى قاتىستى.
ولاردىڭ اراسىندا – الماتى قالاسى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ قىزمەتكەرلەرى, «تۇران» ۋنيۆەرسيتەتى, پوليگرافيا كوللەدجى, سەرۆيستىك قىزمەت كورسەتۋ كوللەدجى, الماتى جوعارى مەديتسينا كوللەدجى, «نارحوز» كوللەدجى, بيزنەس جانە كوممۋنيكاتسيا كوللەدجى, الماتى مەملەكەتتىك جاڭا تەحنولوگيالار كوللەدجى, ەنەرگەتيكا جانە ەلەكتروندى تەحنولوگيالار كوللەدجى ستۋدەنتتەرى, №146 مەكتەپ –گيمنازيا مەن ا.روزىباكيەۆ اتىنداعى №153 مەكتەپ-گيمنازيا وقۋشىلارى بار.
سايىستا جاستار حالقىمىزدىڭ ۇلتتىق قۇندىلىقتارىنا قاتىستى ءبىلىم دەڭگەيىن كورسەتتى. قازاقي رۋحى بيىك ۇلتتىق يدەيانىڭ قالىپتاسۋىندا ۇلتتىق قۇندىلىقتاردىڭ ماڭىزى زور دەسەك, ۇلتتىق تاربيەگە باۋليتىن تانىمدىق ويىندار ۇيىمداستىرۋ بۇگىنگى كۇن تالابى مەن ومىرلىك قاجەتتىلىكتەن تۋىنداپ وتىر. ۇلتتىق سانا-سەزىمى قالىپتاسقان, ۇلتتىق مۇددەنىڭ وركەندەۋىنە ۇلەس قوسا الاتىن, ۇلتتىق قۇندىلىقتار مەن جالپىادامزاتتىق قۇندىلىقتاردى ءوزارا ۇشتاستىرا الاتىن تولىق كەمەلدى, ۇلتجاندى تۇلعانى تاربيەلەۋ ۇلتتىق يدەيانىڭ نەگىزگى.
وتانشىلدىق سەزىم – ۇلت رۋحىنىڭ دەڭگەيىنىڭ ايناسى, ولشەمى. سوندىقتان دا, سان عاسىرلار بويى سۇرىپتالعان ۇلتتىق قۇندىلىقتارىمىزدى ءتۇرلى تانىمدىق شارالارعا ەنگىزۋ ارقىلى جاستاردى ۇلتشىلدىق پەن وتانشىلدىققا باۋلىپ, ءوز حالقىن, ءوز مەملەكەتىن كوزدىڭ قاراشىعىنداي قورعايتىن, بويىندا ۇلتتىق ساناسى قالىپتاسقان تۇلعالار بولۋىنا ۇلەس قوسۋ – جالپى ۇلتتىڭ الدىندا تۇرعان ۇلى مىندەت. قانداي دا ءبىر ەلدىڭ رۋحاني مادەنيەتى, ادەبيەتى مەن ونەرى, عىلىم مەن تەحنيكاسى, الەۋمەتتىك جاعدايى, ماتەريالدىق ءوندىرىسىنىڭ ەڭ ماڭىزدى جەتىستىكتەرى تاربيەسىنەن كورىنۋى ارقىلى ونىڭ ۇلتتىق قۇندىلىقتارىنىڭ مانىنە يە بولادى جانە جاستاردىڭ ازاماتتىعى مەن وتانشىلدىقتى, رۋحاني-ادامگەرشىلىك جان-دۇنيەسى قالىپتاسۋىنا بەلسەندى تۇردە ىقپال ەتەدى.
سوندىقتان جاستارعا تاربيە بەرۋدە ۇلتتىق قۇندىلىقتارىمىز ارقىلى جول كورسەتەر بولساق, جاستارىمىز قازاقستان قوعامىنىڭ الەۋمەتتىك-مادەني وزگەرىستەرىنە جوعارى مادەنيەتتى دەڭگەيدە بەيىمدەلە الارى ءسوزسىز.
وسى ماقسات جولىندا وتكەن «مەنىڭ – قازاقستانىم!» تاقىرىبىنداعى تانىمدىق-اعارتۋشىلىق ويىندار جاستاردىڭ قىزىعۋشىلىعىن وياتىپ, ۇلتتىق قۇندىلىقتاردى بويىنا سىڭىرۋگە ىقپال ەتتى.
جەڭىمپازدار مەن قاتىسۋشىلار حالىقارالىق «جاناشىر» قورىنىڭ ديپلومدارىمەن جانە باعالى سىيلىقتارمەن ماراپاتتالدى.
