*قازاقستاندا جىلدىڭ العاشقى جارتىسىندا 69 875 جاڭا كولىك ساتىلدى. ەلىمىزدە 2010 جىلى قولعا الىنعان اۆتوموبيل نارىعىنىڭ قازىرگى احۋالى ساتىپ الۋشىلاردىڭ باسىم بولىگىنىڭ وزىمىزدە قۇراستىرىلعان ماشينالاردى تاڭداي باستاعانىن بايقاتتى.
* رەسپۋبليكالىق تالاپكەرلەردى كەشەندى تەستىلەۋ سىناعىنىڭ قورىتىندىسى شىقتى. وعان 76655 مەكتەپ تۇلەگى قاتىستى. ناتيجەسىندە 48680 تالاپكەر شەكتى مەجەدەن وتە المادى. بۇل بارلىق قاتىسۋشىلاردىڭ 63,5 پايىزىن قۇرايدى.
* الماتى حايۋاناتتار باعىن قايتا جاڭعىرتاتىن بيزنەسمەندەر تابىلدى. بۇل جۇمىس قۇرامىنا جەتى ادام ەنگەن قوعامدىق كەڭەستىڭ قۇرىلۋى ارقىلى جۇزەگە اسادى.
* قوستاناي وبلىسىندا بيىلعى 6 ايدا 270 ملرد. تەڭگەنىڭ ونەركاسىپ ونىمدەرى شىعارىلدى. بۇل جونىندە وبلىس اكىمى نۇرالى سادۋاقاسوۆ مالىمدەدى. ايماقتا قازىر ونەركاسىپ ونىمدەرىن شىعارۋمەن 500-دەن استام كاسىپورىن اينالىسادى.
* قىزىلوردا قالاسىندا 20 كوشەنىڭ تابانجولدارىن جوندەۋ قولعا الىندى. بۇل تۋرالى مالىمدەگەن قالا اكىمى نۇرلىبەك نالىباەۆ جەرگىلىكتى بيۋدجەتتەن بولىنگەن 923 ملن. تەڭگەگە قازىر 24,3 شاقىرىمدىق تابانجول, 37 كوپ قاباتتى تۇرعىن ءۇيدىڭ اۋلاىشىلىك الاڭدارى مەن اۆتوتۇراقتارى رەتتەلىپ جاتقانىن ايتتى.
* اقتوبە وبلىسىندا اۋىل وكرۋگتەرى اكىمىنە ۇمىتكەر 434 كانديدات تىركەلدى. مۇندا 149 ورىنعا 449 ءوتىنىش كەلگەن. ەندى ولار 7 تامىز كۇنى سايلاۋشىلار جينالىسىندا تاڭداۋعا تۇسەدى.
* پاۆلوداردا جىل باسىنان بەرى 286 جۇمىسسىز ادام دايارلىقتان ءوتتى. وبلىستا «ەڭبەكپەن قامتۋ-2020» باعدارلاماسى بويىنشا بيىل جالپى سوماسى 3,112 ملن. تەڭگەنىڭ جۇمىسى اتقارىلادى.
* ىشكى ىستەر قىزمەتكەرلەرى اپتا ىشىندە 22,5 كيلو گەروين تاركىلەدى. ولاردىڭ اراسىندا وڭتۇستىك قازاقستان, جامبىل جانە الماتى وبلىستارىندا قولعا تۇسكەن «ءونىمنىڭ» سالماعى اۋىر.
«قازاقپارات», «قازاقستان جاڭالىقتارى», Bnews.kz, TengriNews, EgemenNews حابارلارى بويىنشا دايىندالدى.
