قىزىلوردا وبلىسى مەملەكەتتىك-جەكەشەلىك ارىپتەستىكتى دامىتۋ جاعىنان كوپ وڭىرلەردىڭ الدىندا كەلەدى. كاسىپكەرلەردى ءىرى ينۆەستيتسيالىق جوبالارعا تارتۋدىڭ ارقاسىندا سوڭعى جىلدارى ءبىراز يگىلىكتى شارۋا اتقارىلدى. قوس اۋىلدا اشىلىپ وتىرعان سپورتتىق-ساۋىقتىرۋ كەشەندەرى وسى ارىپتەستىك جەمىسى.
تۇرعىندار قۋانىشىن بولىسۋگە بارعان وبلىس اكىمى قۋانىشبەك ىسقاقوۆ جاڭاقورعاندىقتاردى جاڭا سپورت نىسانداردىڭ اشىلۋىمەن قۇتتىقتاپ,جىلى لەبىزىن جەتكىزدى.
- تاۋەلسىزدىك كۇنى قارساڭىندا اۋىلداعىلار ۇلكەن قۋانىشقا بولەنىپ وتىر. جىل باسىندا وسى اۋدانداعى سۇتتىقۇدىق اۋىلدىق وكرۋگىندە مەملەكەتتىك-جەكەشەلىك ارىپتەستىك اياسىندا سپورت نىسانى اشىلسا, ەندى سۋناقاتا مەن قوجاكەنت اۋىلى تۇرعىندارى وسىنداي ورتالىق يگىلىگىن كورە الادى. ونداعان تۇرعىندى جۇمىسپەن قامتىپ, بالالاردى ۆولەيبول, بوكس, اۋىر اتلەتيكا, قازاق كۇرەستەرىنە باۋليتىن جاڭا سپورت كەشەندەرى قۇتتى بولسىن!, - دەدى وبلىس اكىمى.
سالتاناتقا جينالعاندار جاڭا كەشەندى ارالاپ, اۋىل بالالارىن سپورتقا باۋلۋ باعىتىنداعى جۇمىستارعا ريزالىق ءبىلدىردى.
