ايماقتار • 15 جەلتوقسان، 2019

الماتى جاستارى « ۇلى دالا ونەرى» اتتى جيىرمادان اسا كورمە وتكىزدى

26 رەتكورسەتىلدى

الماتى قالاسىندا قالا جاستارى اتسالىسقان « ۇلى دالا ونەرى» اتتى كورمەلەر لەگى ءوتتى. كورمەگە مەكتەپ وقۋشىلارى مەن كوللەدج ستۋدەنتەرىنىڭ ۇلتتىق قۇندىلىقتارىمىزدى بەينەلەيتىن 400-گە جۋىق ەڭبەگى قويىلدى.

اقپارات جانە قوعامدىق دامۋ مينيسترلىگىنىڭ قولداۋىمەن «ازاماتتىق باستامالاردى قولداۋ ورتالىعى» كوممەرتسيالىق ەمەس اكتسيونەرلىك قوعامىنىڭ گرانتتىق باعدارلاماسى نەگىزىندە «رۋحاني جاڭعىرۋ» باعدارلاماسىن  ىلگەرىلەتۋ جونىندەگى عىلىمي-اعارتۋشىلىق جوبانى ازىرلەۋگە جانە ىسكە اسىرۋعا ۇەۇ، ساراپتامالىق قاۋىمداستىقتى تارتۋ»، «بىرىڭعاي ورتاق قۇندىلىقتاردى قالىپتاستىرۋ، سونداي-اق قازاقستان ەتنوستارى اراسىندا «رۋحاني جاڭعىرۋ» باعدارلاماسىن ىلگەرىلەتۋ»  جوباسى اياسىندا ءساۋىر-قاراشا ايلارى ارالىعىندا « ۇلى دالا ونەرى» اتتى كورمەلەر لەگىن ۇيىمداستىردى.

جاستاردى ۇلتتىق قۇندىلىقتارىمىزدى باعالاۋعا، ساقتاۋعا، دارىپتەۋگە  ۇندەيتىن كورمەدە، ۇلتتىق قولونەر بۇيىمدارىن جاساۋ، بەينەلەۋ جانە فوتوعا ءتۇسىرۋدى تالاپ ەتەدى. وسىلايشا، جاستارعا ۇلت ونەرى جايلى ويلانۋعا،  اتسالىسۋعا، سول سالادا ىزدەنۋگە، ەڭبەكتەنۋگە ىقپال ەتەتىن شارا، رەسپۋبليكانىڭ الماتى قالاسىندا عانا ەمەس،  رەسپۋبليكانىڭ كەيبىر وڭىرلەرىنىڭ جاستارىن دا قامتىدى. ونىڭ ىشىندە، مەكتەپتەردەگى ەتنوس وكىلدەرىن دە قامتىدى.

اسىرەسە، الماتى قالاسىنداعى №13، №107 جانە №146 مەكتەپتەرى مەن حالىقارالىق بيزنەس جانە كوممۋنيكاتسيا، جاڭا تەحنولوگيالار، يننوۆاتسيا جانە تەحنولوگيا، پوليگرافيا  كوللەدجدەرى، الماتى وبلىسى ەڭبەكشىقازاق اۋدانىنداعى بەرتاەۆ، قورام مەكتەپتەرى، كوكسۋ اۋدانىنداعى مۇقانشى مەكتەبى، قىزىلوردا وبلىسى جاڭاقورعان اۋدانىنداعى №163 مەكتەپ، تۇركىستان وبلىسى، كەنتاۋ قالاسى،  №12 ب.مومىش ۇلى اتىنداعى مەكتەپتەر قولونەرىمەن ەرەكشەلەنسە، شەلەك اۋىلى، ح.بيجانوۆ اتىنداعى ورتا مەكتەپ، ەنەرگەتيكا كوللەدجى تارتىمدى فوتولارىمەن كوزگە ءتۇستى.  الماتىداعى №153، №156 مەكتەپ-گيمنازيا، نارحوز كوللەدجى،  الماتى وبل، دوستىق اۋىلى، ا.بەرتاەۆا اتىنداعى مەكتەپتەر ۇلتتىق قۇندىلىقتاردى بەينەلەگەن سۋرەتتەرىمەن ەرەكشەلەندى.

وسىلايشا، حالىقارالىق «جاناشىر» قورىنىڭ « ۇلى دالا ونەرى» اتتى تاقىرىپتىق كورمەسى  جاستاردىڭ وتانشىلدىق پەن ەلجاندىلىق قاسيەتتەرىن وياتا تۇسكەنى بايقالدى. شاراعا قاتىسۋشىلار «رۋحاني جاڭعىرۋ» كەز كەلگەن ۇلتتىڭ، ۇلىستىڭ رۋحاني مادەنيەتىن دامىتۋعا ۇلەس قوساتىن باعدارلاما ەكەنىن ايتا كەلە، وسىنداي شارالار اۋىلدى جەرلەردە ءجيى وتكىزىلىپ تۇرسا دەگەن  ۇسىنىستارىن ءبىلدىردى.

 

 

الماتى

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار