ايماقتار • 13 جەلتوقسان، 2019

جاس وتباسىلار باسپانالى بولدى

13 رەت كورسەتىلدى

تاۋەلسىزدىك كۇنى قارساڭىندا سىرداريا وزەنىنىڭ سول جاعالاۋىندا سالىنىپ جاتقان تۇرعىن ۇيلەردىڭ تورتەۋى پايدالانۋعا بەرىلدى. «نۇرلى-جەر» باعدارلاماسى اياسىندا سالىنعان باسپانا كىلتتەرىن تابىستاۋ سالتاناتىنا وبلىس اكىمى قۋانىشبەك ىسقاقوۆ قاتىستى.

سوڭعى جىلدارى قىزىلوردا قالاسىندا 15 جاڭا شاعىن اۋدان بوي كوتەرىپ، 7 مىڭنان استام ادام باسپانالى بولدى. بيىلدىڭ وزىندە 1000 جۋىق پاتەردىڭ كىلتى تابىستالىپتى. تۇرعىن ۇيلەردىڭ جالپى اۋدانى - 10 مىڭ 900 شارشى مەتر. وبلىستا سالىنىپ جاتقان قۇرىلىستىڭ 31،4 پايىزى - قىزىلوردا قالاسىنىڭ ۇلەسىندە.

قازىر قالانىڭ سول جاعالاۋىندا رەسپۋبليكالىق، وبلىستىق بيۋدجەتتەردەن 820 پاتەرلىك 16 كوپقاباتتى ارەندالىق تۇرعىن ءۇي مەن 830 پاتەرلىك 17 كوپقاباتتى كرەديتتىك تۇرعىن ءۇي قۇرىلىستارى جۇرگىزىلۋدە. قارجىلاندىرۋدىڭ بارلىق كوزدەرى ەسەبىنەن وسىعان دەيىن جالپى اۋدانى 381 مىڭ 308 شارشى مەتر تۇرعىن ءۇي پايدالانۋعا بەرىلدى.  

سالتاناتتى شارادا وبلىس اكىمى ق.ىسقاقوۆ جاڭا باسپانا يەلەرىن قۇتتىقتاپ، جىلى لەبىزىن جەتكىزدى.

- سول جاعالاۋدا جاڭا قالا سالۋ باستاماسىن قولداعان قۇرىلىس كومپانيالارىنا تۇرعىندار اتىنان العىسىمدى ايتامىن. قۇرمەتتى جەرلەستەر، قونىس تويلارىڭىز قۇتتى بولسىن! قۋانىشتارىڭىز كوبەيە بەرسىن،- دەدى ايماق باسشىسى.

جاڭا ۇيدەن پاتەر العانداردىڭ كوپشىلىگى جاس وتباسىلار. ولاردىڭ ىشىندە دارىگەرلەر مەن ۇستازدار، قۇقىق قورعاۋ سالاسىنىڭ قىزمەتكەرلەرى بار.

سوڭعى جاڭالىقتار

ۇقساس جاڭالىقتار