مەملەكەتتىڭ كەپىلدىگىمەن بەرىلەتىن ءبىلىم نەسيەسىنە كەپىلدىككە م ۇلىك قويۋدىڭ قاجەتى جوق. بۇل تۋرالى «قازاقپارات» اگەنتتىنىنىڭ ءتىلشىسى حابارلادى.
بۇل تۋرالى بۇگىن استانادا ءبىلىم بەرۋ نەسيەلەرىن الۋ مۇمكىندىكتەرى مەن شارتتارىنا ارنالعان ءباسپاسوز ءماسليحاتىندا «قارجى ورتالىعى» اق پرەزيدەنتى زابيرا ورازاليەۆا ءمالىم ەتتى.
بيىلعى 22 شىلدەدە قازاقستاندا كوللەدجدەر, كاسىپتىك مەكتەپتەر مەن ۇبت تاپسىرماعان ورتا مەكتەپ تۇلەكتەرى, سونداي-اق حالىقارالىق وقۋشىلار الماسۋ جەلىسى بويىنشا شەتەلدە وقىعان مەكتەپ تۇلەكتەرى قاتىسقان كەشەندى تەستىلەۋ اياقتالدى. ەندى ولار ۇبت تاپسىرعان تۇلەكتەرمەن بىرگە مەملەكەتتىك ءبىلىم گرانتتارىن تاعايىنداۋ كونكۋرسىنا قاتىسادى.
«الايدا, بارلىعى بىردەي گرانتقا ىلىنە المايدى. سوندىقتان مەملەكەتتىك ءبىلىم بەرۋ گرانتىنان تىس قالعاندار, وقۋعا قاراجاتى بولماعان تالاپكەرلەر نەمەسە ستۋدەنتتەر وقۋىنىڭ اقىسىن تولەۋ ءۇشىن مەملەكەتتىڭ كەپىلدىگىمەن ۇسىنىلاتىن ءبىلىم بەرۋ نەسيەسىن الۋ مۇمكىندىگى بار»,-دەدى ز. ورازاليەۆا.
ونىڭ سوزىنە قاراعاندا, جالپى بۇل نەسيە ەكىنشى دەڭگەيلى بانكتەر تاراپىنان بەرىلەدى. ونىڭ ءبىر ەرەكشەلىگى, دۇنيە-م ۇلىكتى كەپىلدىككە قويۋدىڭ قاجەتى جوق. ويتكەنى, نەسيە ءۇشىن كەپىلدەمەنى «قارجى ورتالىعى بەرەدى.
«قازىرگى كەزدە «قارجى ورتالىعى» اق-مەن بىرلەسىپ جۇمىس ىستەپ جاتقان 4 بانك بار. ولاردىڭ ىشىندە «حالىق بانكى», «اليانس بانك», «بتا بانك», «رەسەيدىڭ جيناقتاۋشى بانكى» سەكىلدى ەكىنشى دەڭگەيلى بانكتەر قامتىلعان»,-دەدى ول.
تاراتىلعان مالىمەتتەرگە قاراعاندا, جالپى نەسيەلەر 9 پايىزدان باستالادى.
ساكەن مايلىباي.
