شىعىس قازاقستان وبلىسىنىڭ زىريان قالاسىندا قايتادان سۋ بەرىلدى. بۇل تۋرالى وبلىستىق اكىمدىگىنىڭ ءباسپاسوز قىزمەتى حابارلادى.
زىريان اۋدانىنىڭ اكىمى ەرماك ءسالىموۆتىڭ ايتۋىنا قاراعاندا, بۇگىن ساعات 10.00-دە سۋمەن قامتاماسىز ەتەتىن قۇبىر تەسىگى بىتەلگەن. ساعات 13.00-دە قالا تۇرعىندارىنا سۋ بەرىلە باستاعان.
كەشكە دەيىن سۋمەن قامتاماسىز ەتۋ تولىق قالپىنا كەلتىرىلەدى.ەستەرىڭىزگە سالا كەتسەك, كەشە ساعات 13.00-دە زىريانعا سۋ كەلەتىن نەگىزگى قۇبىر جارىلىپ كەتكەن. كوپ قاباتتى ۇيلەر مەن تۇرعىن ۇيلەر الابى سۋسىز قالعان بولاتىن. كەيىننەن قالادا توتەنشە جاعداي جاريالانعان ەدى.
مۇرات ايتقوجا.
