رەسەي ەستراداسىنىڭ بەلگىلى جۇلدىزى ديانا گۋرتسكايا جاقىندا 35-ءشى تۋعان كۇنىن تويلادى. ءانشى تۋعان كۇنىن «پۋست گوۆوريات» باعدارلاماسىنىڭ ەفيرىندە وتكىزدى. ستۋديادا جۇلدىزدىڭ تۋعان-تۋىستارى مەن جاقىن دوستارى جينالدى.
باعدارلاما بارىسىندا قورعاۋشى بولىپ قىزمەت ەتەتىن ديانانىڭ كۇيەۋى پەتر كۋچەرەنكو وتباسىلىق ومىرلەرىندەگى كۇتپەگەن جاڭالىقتى جايىپ سالدى. «ديانا وتە نازىك بولىپ كورىنەدى. الايدا, ومىردە ول ونداي ەمەس. ونىڭ گرۋزيندەرگە تيەسىلى قىزۋ مىنەزى بار. ۇيدە ونىڭ ءجيى-ءجيى قىزعانشاقتىق تانىتىپ, قاتتى ۇرسىپ تاستايتىن كەزدەرى دە بولادى», – دەيدى كۋچەرەنكو.
ديانا مەن پەتردىڭ ۇلدارى ومىرگە كەلگەن سوڭ, ولاردىڭ قارىم-قاتىناستارى قيىنداي تۇسكەن ەكەن. پەتر باسىندا مۇنداي جاۋاپكەرشىلىككە دايىن بولماعان كورىنەدى. ۋاقىت وتە كەلە ونىڭ اكەلىك سەزىمى ويانىپ, قازىرگى ۋاقىتتا ول تاعى دا بالالى بولعىسى كەلەتىنىن ايتادى.
ايدار ورىسباەۆ.
