قوعام • 11 جەلتوقسان، 2019

اگرارلىق گرانتپەن جوو-دا وقىعان تۇلەكتەر اۋىلدا 3 جىل جۇمىس ىستەيتىن بولادى

25 رەتكورسەتىلدى

اۋىل جاستارىنا ارنالعان كۆوتا بويىنشا اگرارلىق جوعارى وقۋ ورىندارىن بىتىرگەن تۇلەكتەر 2020 جىلدان باستاپ اۋىلدىق جەرلەردە 3 جىل جۇمىس ىستەۋگە مىندەتتى بولادى. بۇل تۋرالى اۋىل شارۋاشىلىعى مينيسترلىگىنىڭ ءباسپاسوز قىزمەتى حابارلادى. 

اۋىل شارۋاشىلىعى مينيسترلىگى سالا ماماندارىن دايارلاۋعا قاتىستى ۇلتتىق زاڭناماعا بىرقاتار تۇزەتۋلەر ەنگىزدى. اعىمداعى جىلدىڭ 28 قازانىندا مەملەكەت باسشىسى ءتيىستى زاڭعا قول قويدى.

«قازاقستان رەسپۋبليكاسىنىڭ كەيبىر زاڭنامالىق اكتىلەرىنە اگروونەركاسىپتىك كەشەندى رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭى اياسىندا ء«بىلىم تۋرالى» زاڭنىڭ 47-بابىنا وزگەرىس ەنگىزىلدى.

جاڭا زاڭ بويىنشا اۋىلدىق كۆوتامەن اۋىل شارۋاشىلىعى ماماندىقتارىندا وقىعان جوو-نىڭ تۇلەكتەرى اۋىلدىق جەرلەردە كەمىندە 3 جىل جۇمىس ىستەيدى.

زاڭنامانى وزگەرتۋ، شىن مانىندە، مەملەكەت ەسەبىنەن جوعارى نەمەسە جوعارى وقۋ ورنىنان كەيىنگى ءبىلىم العان اۋىل جاستارىن اگرارلىق بەيىندەگى ۇيىمداردا كەپىلدى تۇردە جۇمىسقا ورنالاسۋىنا مۇمكىندىك بەرەدى.

قر اشم بۇل شارا اۋىل شارۋاشىلىعى تاۋارىن وندىرۋشىلەردىڭ كاسىبي كادرلارعا دەگەن سۇرانىسىن ارتتىرۋعا مۇمكىندىك بەرەدى دەپ سانايدى. جاڭاشىلدىق جاستاردى جۇمىسپەن قامتاماسىز ەتۋ ماسەلەلەرىن شەشەدى. سونداي-اق اۋىلدىق جەردە «اۋىل شارۋاشىلىعى ماماندىعى» بويىنشا مۇلدە جۇمىس ىستەۋدى جوسپارلاماعان تالاپكەرلەردىڭ «اۋىلدىق كۆوتامەن» مەملەكەتتىك گرانتقا تۇسۋىنە جول بەرمەيدى. 

بۇعان دەيىن حابارلاعانىمىزداي، «قر كەيبىر زاڭنامالىق اكتىلەرىنە اگروونەركاسىپتىك كەشەندى رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭى اياسىندا قر ءبىلىم جانە عىلىم مينيسترلىگىنىڭ جوعارى جانە ورتا ارناۋلى وقۋ ورىندارىنداعى اۋىل شارۋاشىلىعى ماماندىقتارى بويىنشا ماماندار دايارلاۋعا ارنالعان مەملەكەتتىك ءبىلىم بەرۋ تاپسىرىستارىنىڭ كولەمىن انىقتاۋ، ولاردى ءبولۋ مەن ورنالاستىرۋ اۋىل شارۋاشىلىعى مينيسترلىگىنىڭ قۇزىرەتىنە بەرىلگەن بولاتىن.
سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

ۇقساس جاڭالىقتار